New Delhi Kyllalyngkot 3 : Ka Viksit Bharat Sankalp Yatra ka la nang ïoh bor ha kylleng ka ri ban ai jingtip lyngba ki kam bad ban pynpoi pura ïa ki skhim bapher bapher ba ïadei bad ka bha ka mïat ba la plie paidbah da ka Sorkar Indïa. Ïa ka Yatra la pyllait paidbah da u Myntri Rangbah duh u Narendra Modi ha ka 15 tarik Naiwieng, 2023 na Khunti, Jharkhand lyngba ki kali Information, Education and Communication (IEC) na ki jaka bapher bapher ha kylleng ka ri.
Hashuwa ka 25 tarik Kyllalyngkot 2024, ka Yatra ka thmu ban pyndep palat 2.60 lak tylli ki Gram Panchayat bad 4000 tam ki bor pynïaid shnong ha ki jaka sor ha kylleng ka ri.
Ka Viksit Bharat Sankalp Yatra kaba dang ai jinghikai ha kylleng ka ri
Ka Yatra ka la poi sha ki jaka kyndong kynshrot jong ka ri da kaba ai jinghikai shaphang ki skhim jong ka sorkar ba ïadei bad ka bha ka mïat. Kine ki sienjam ki pynthikna ba kine ki prokram ba ïadei bad ka bha ka mïat ha ka imlang sahlang ki poi sha baroh ki briew jong ka ri, wat ha ki jaka kyndong kynshrot jong ka ri. Kum shi bynta jong ka Yatra, la ai jingïarap ha kitei hi jaka kum ka jingpynrung kyrteng hapoh ka PM Ujjwala, ka jingpynrung kyrteng ha ka MY Bharat, ka jingsam ïa ki card Ayushman bad kiwei kiwei. Ha kane ka Yatra, bun ki briew ki la shim ïa ki skhim bapher bapher jong ka sorkar, kaba pyni ïa ka jingïashim bynta shitrhem jong ki. Lyngba kane ka Yatra, la pynshlur ïa ki briew ban shim ïa ki jingmyntoi ba dei hok jong ki.
Ha kane ka Yatra, palat 9.47 lak ngut ki briew ki la ïoh ïa ki jingmyntoi ba ïadei bad ka rukom shet kaba khuid hapoh ka Pradhan Mantri Ujjwala Yojana (PMUY), kaba la ïarap ïa k longiing ban lait na ka tdem. Ka jingsam palat 1.64 klur ki card Ayushman ka la pynthikna ïa ki briew jong ka ri ban ïoh jingïarap ba ïadei bad ka koit ka khïah kaba long T. 5 lak kaweii longiing ha ka shi snem.
Kum shi bynta ka Yatra, ka Pradhan Mantri Suraksha Bima Yojana (PMSBY) ka ai jingïarap ba ïadei bad ka insurance haba don ka jingjïa aksiden na ka bynta palat 18.15 lak ngut ki briew jong ka ri. Palat 10.86 lak ngut ki briew ki la ïoh jingmyntoi hapoh ka Pradhan Mantri Jeevan Jyoti Bima Yojana (PMJJBY), lyngba ka life insurance. Baroh artylli kine ki skhim ki kyntiew ïa ka jingkynthup ïa briew baroh jong ka ri ha ki kam pisa. Shuh shuh, palat 6.79 lak ngut ki briew kiba die jingdie harud surok ki ïoh ram hapoh ka Prime Minister Street Vendor’s AtmaNirbhar Nidhi (PM SVANidhi) ha kane ka Yatra. Da kaba pdïang ïa ka ‘My Bharat’, palat 27.31 lak ngut ki samla ki la pynrung kyrteng ïalade, kaba la pynkhlaiñ ka jingïashim bynta hapoh ka thong jong ka Viksit Bharat Sankalp Yatra.
