Shillong, Lber 29: U doktor radiologist jong ka North Eastern Indira Gandhi Regional Institute of Health and Medical Sciences (NEIGRIHMS) u la ïoh khusnam da ka Royal College of Radiology (FRCR) da ka Royal College of Radiology (RCR) kaba ha London.
Dr Humsheer Singh Sethi, uba dei u Senior Resident, u la long uwei napdeng ki doktor radiologist u ban ïohpdiang ïa kane ka khusnam na shabar ri. ïa ki eksam FRCR la ithuh kum kawei na ki lai tylli ki eksam kiba la ithuh ha ka pyrthei baroh kawei kaba dei kaba la ithuh da ki doktor radiologist kiba trei ha United Kingdom.
Na ka liang Dr. Sethi u la leit kiba bun ki jingshah hikai hapoh ka Royal College na ka bynta ki 2 snem. Haba shim ïa kane ka lad na ka liang u Dr. Sethi u la jied ban shim ka lad ban trei National Health Service (NHS) hapoh ka ri UK bad u la aiti ban shakri ïa ki briew jong ka Meghalaya ha NEIGRIHMS.
Na ka liang u Medical Superintendent bad u HoD, Radiodiagnosis, NEIGRIHMS, Prof. C. Daniala la ong, “Kane ka kam ba u la ïoh ka pynpaw ïa ka jingaiti jong u shimet ban trei hapoh ka jaka sumar NEIGRIHMS. Nga ai khublei ïa u Dr. Sethi halor kane ka jingïoh jingithuh bad kaba long riewshem phang ha kaba ïadei bad ki lad ai jingshakri ha ka koit ka khiah.”
U Prof. Nalin Mehta, Director, NEIGRIHMS u la ong, “U la long uba shah jied na kiba khyndiat eh kum u doktor ka radiologist bad u ban ïoh ïa ka khusnam ha ka pyrthei kane ka la wanrah ka jingsarong ym tang ïa ka NEIGRIHMS hynrei ïa baroh kawei ka kynhun ki nongsumar kiba don ha Meghalaya.”
