Ïoh khusnam ka Meghalaya na ka CIPS kum ka jylla ba pyrkhat thymmai ha ka koit ka khiah

Shillong, K’lyngkot, 19: Ka Jylla Meghalaya ryngkat bad kiwei pat ki jylla ka la ïoh pdiang ïa ka khusnam na ka Centre for Innovations in Public Systems (CIPS) ba la pynlong ha ka sngi Thohdieng ha nongbah Shillong.
Ka jingthmu ka long ban pynshlur ïa ki nongwanrah ïa ki saiñpyrkhat kaba thymmai na ki jylla kiba rit ha ka jingshakri ïa ki paidbah ha ki jylla ka thaiñ Shatei Lammihngi, ki Union Territorries bad ki jylla ri lum, ha ka liang jong ka pule ka puthi, ka koit ka khiah, ka Information Technology bad Rural Development.
Ïa kane ka khusnam la sam ha ka sien banyngkong eh da ka Centre for Innovations in Public Systems (CIPS) da ka jingïatreilang bad ka Government Innovation Lab (GIL), ka Sorkar Meghalaya bad ka Administrative staff College of India (ASCI) kum ki paralok.
U Myntri Rangbah ka Jylla Conrad K. Sangma haba kren kum u kongsan u la ïaroh ïa ka CIPS bad ïa ka ASCI kiba la pynlong ïa kane ka jingsam khusnam ha ka jylla. U la ong ba ka lynti kaba biang tam ban kynjoh sha ka thong ka dei lyngba ka jingïatreilang bad ong ruh ha ki san snem ba la leit noh, dei ka jingïatreilang jong ki nongtrei sorkar bad kiwei kiwei ki nongtrei kiba don ïa ka jingkitkhlieh na ka bynta ban wanrah ïa ka saiñpyrkhat kaba thymmai.
U la ong, kine ki saiñpyrkhat bathymmai ki la ïarap ïa ki paidbah ban kynjoh sha ka thong kaba ki thmu.
“Ïa mynta, ban pynduna ïa ka jingïap shiteng por jong ki longkmie kiba armet bad ki khunlung ha ka jylla, ka long kaba donkam ban sngewthuh ïa ka ïoh ka kot jong ki longkmie bad ki kynthei lyngba ki Self Help Group. Mynta, ka jylla Meghalaya ka don 95 percent ki longing kiba shah kdup hapoh ki SHG. U la ïathuh ruh ba ka State’s EAP funding deman ka la kiew na ka 12500 klur sha ka 2500 klur tang hapoh san snem,” la ong u Sangma.
U dkhot jong ka NITI Ayog ka Sorkar India u Dr. V.K Paul haba kren kum u symbud kongsan u la ïathuh ba ka thong jong jong ka NITI Ayog ki don ar tyllli, 1) ba kyntiew ïa ka cooperative federalism bad 2) bad ka competitive federalism.
U la ïaroh ïa ka sienjam jong ka Jylla kaba kyntiew ïa ki rukom treikam kiba thymmai ha ka jingshakri paidbah. U la ong ba ka ri ka la ïaid shakhmat ban pynkhlaiñ ïa ka koit ka khiah ki National Programme bapher bapher ban poi sha manla ki nongshong shnong. U la kyntu ïa ki Policy Practitioners bad ïa ki Administrators ban wanrah ïa ki saiñpyrkhat ba thymmai kiba lah ban pynïaid ïa ki hospital ha ki Public Sector.
U Dr. Paul u la ïaroh ruh ïa ka Meghalaya’s Village Health Councils (VHC) bad ong ruh ba ka la lah ban pynkylla dur ïa ka koit ka khiah. U la pynpaw ruh ka jingkyndit halor ka jingpyntreikam ïa ka CMSMS ha kaba 50 percent ka don ka jinghiar na ka jingïap jong ki longkmie baar met bad ki khunlung ha ka jylla ha ka jylla ha ki snem 2020-23. Shuh shuh u la ïaroh ïa ka Meghalaya Early Childhood (ECD) Mission bad ong ba ka Sorkar Meghalaya ka la buh hakhmat eh ïa kane ka mat lyngba ka saiñpyrkhat kaba thymmai.
U la ai khublei ruh ïa ka Jylla kaba la mang 8 percent shanng na ka jingmang pisa ban pynlut ha ka koit ka khiah bad kyntu ruh ïa kiwei ki jylla ban bud nuksa na ka jylla Meghalaya ban weng ïa ki sohkyrdoh ha ka koit ka khiah.
U Development Commissioner bad Principal Secretary ka tnat Health & Family Welfare ka Sorkar Jylla u Sampath Kumar, u la ïathuh shaphang ka Meghalaya’s State Capability Enhancement Approach (MSCEA) kaba long ka polisi bad ka saiñpyrkhat thymmai kaba la law ïa ki sohkyrdot kiba bun.
Shuh shuh u la batai bniah ruh ïa ki san tylli ki païa jong ka State Capability Enhancement Framework, ba la tip kum ka- 1) ban tei ïa ka jinglong nongïalam lyngba ka jinglaw noh ïa ki sohkyrdot, 2) ka jingpyndonkam pura ïa ka Data and Research, 3) ka jingïakhun ïa ki jingeh, 4) ban wad ïa ka jingkyrshan na ki kynhun bapher bapher bad 5) ban pun jingkieng ïa ki nongshong shnong bad ka Jylla.
Haba kren shaphang ka bhah kyrpang ïa ki kynthei ha ka jylla, u Kumar u la ïathuh ba ha ki Village Employment Committees (VEC) la mang kyrpang ïa ka post Chairman bad Secretary ïa ki kynthei.
Ki nongïoh khusnam ha kane ka sngi ki long u Sampath Kumar, IAS halor ka Positive Public Health Management Meghalaya, u Dr Phunchok Norboo, Mission Director ka ABDM, Ladakh halor ka Integration of Ayushman Bharat Digital Mission with e-Hospital, u Ram Kumar S, IAS halor ka Meghalaya Drone Delivery Network, u A. Arun Prince Milton, Scientist ka ICAR, Meghalaya halor ka Rapid and cost-effective visual Diagnostic Kit for African Swine Fever Virus, Shantanu Gotmare, IAS halor ka Kritagyata- Online Pension Sanction and Payment Tracking System, u Mukesh Repaswal, IAS jong ka Information technology Director, Shimla, Himachal Pradesh halor ka Mukhya Mantri Seva Sankalp 1100, u Krishna Kumar, IAS uba dei u Deputy Commissioner jong ka Jiribam, Manipur halor ka Manipur E-district Portal, u Issac Zothanpuia, Project Manager ka Mizoram State e-governance Society, Mizoram halor ka RTI Online to promote accountability and for ease-of filling requests, Pallav Gopal Jha, IAS, Managing Director ka GMDW&, Assam halor ka Web-based water supply connections, Registration & Payment System, Shyambir, IAS, Deputy Commissioner ka Ganderbal, J&K halor ka MASHAAL-E-GAASH- A people-driven initiative to promote literacy, u Dev Raj Dhiman, Principal ka Himachal Pradesh halor ka Inquiry Based learning for holistic development, ka Varnali Deka, IAS, DC ka Nalbari, Assam halor ka Poshan Club: Nurturing children for welfare schemes, Purva Garg, IAS, sECRETARY education, Samagra Shiksha halor ka ECCE Early Childhood Care and Education as per new education policy 2020, Varnali Deka, IAS, DC, Nalbari, Assam halor ka Mushrooms as a tasty nutraceutical supplement, u Shiv Kumar Upadhyaya bad Deepak Shah halor ka Village as Harbingers of change toward optimal utilization of resources, u Prasada Rao Vaddarapu, IFS halor ka Bamboo brooms with handles as alternatives to plastics, u Ajit Kumar Ranjan, IAS, DC, Wokha Nagaland halor ka phang Entrepreneurs Task Force, one stop model for rural entrepreneurs bad Chete Lohe, CEO, Kiwi Production company, Phek, Nagaland halor ka Promotion & Marketing of Organic Kiwi Fruit.
Ha kane ka sngi, la pyllait ruh ïa ka kot ba la ai kyrteng, “Celebrating Inclusive Innovations” ha ryngkat ka jingsakhi lang jong u Chairman ka Steering Committee ka CIPS & Director General (I/c), Administrative Staff College of India (ASCI), Hyderabad. u Dr. Nirmalya Bagchi, ka Chairperson bad ka dkhot ka Advisory Council, CIPS, Hyderabad ka Dr. Anjali Hazarika, u Chairperson, Awards Committee and Member, Advisory Council, CIPS, Hyderabad u Dr. PV Ramesh, Retd, IAS, Dr. Valli Manickam, Director CIPS & Dean of Research and Management Studies , ASCI, Hyderabad bad u Secretary ka Department of Administrative Reforms and Public Grievances ka Sorkar India u V Srinivas.
La pynlong ruh ïa ka jingïathir ïatai halor ka koit ka khiah ba la pynïaid da u Dr. Subodh Kandamuthan, Director jong ka Dr. Kakarla Subba Rao Centre for Healthcare Management ha ASCI. Ki nongïashim bynta ki long u Sampath Kumar, Principal Secretary, ka Sorkar Meghalaya, u Dr. Phunchok Norbo, Mission Director, ABDM, Ladakh, bad u Dr. A. Arun Prince Milton, Scientist, ICAR, Meghalaya.
Halor ka jingïatai ïa ka Information Technology la pynïaid da u PV Ramesh, Retd IAS, Chairperson, Awards Committee, CIPS. Ki nongïashim bynta ki long u Mukesh Repaswal, IT Director, Shimla, HP; u Krishna Kumar Deputy Commissioner, Jiribam, Manipur; u Isaac Zothanpouia, PM, Mizoram State e-Governance Society, Mizoram bad Manabend Anil Goswami, Director, IT, Scientist E, NIC, ka Sorkar Assam.
Halor ka pule puthi la pynïaid da ka Dr. Anjali Hazarika, bad ki nohimgïashi bynta ki long u Shyambir, IAS, Deputy Commissioner, Ganderbal, J&K; u Dev Raj Dhiman, Principal, Hamirpur, Himachal Pradesh; ka Varnali Deka, District Commissioner, Nalbari, Assam; u Purva Garg, IAS, Secretary Education cum Chairperson, Samagra Shiksha, UT, Chandigarh.
Halor ka phang Environment and Rural Development Sector la pynïaid da u Dr. NV Satyanarayana, Advisor ha ASCI bad ki nongïashim bynta ki long ka Varnali Deka, District Commissioner, Nalbari, Assam; u Dr. Shiv Kumar Upadhaya, Deputy Project Director, Almora, Uttarakhand; u Prasada Rao Vaddarapu, Conservator of Forests, Forest Department, Tripura; u Ajit Kumar Ranjan, District Commissioner, Wokha, Nagaland bad Chete Lohe, CEO, Chansu Organic Kiwi Producer Company Ltd, Phek, Nagaland.
Shwa ban pynkut la pynbud da ka jingshad khasi tynrai.