Shillong, Risaw 22: Ki Pulit ka Rongram Outpost ha ka sngi Balang, kila ïoh ban bat bad kem ïa 3 ngut kiba pyrshang ban dawa pisa naki nongkhaïi.
Kine kiba shah kem kila kam ba ki dei dkhot jong ka seng bhalang.Kine ki dei kiba tip kyrteng u Mansrang Ch. Marak, Donstand A. Sangma bad u John Momin kiba dei na Lower Durabanda South Garo Hills.
Ki Pulit kila ïoh kurup ruh ïa ka kali Maruti Car ba don Number ML-07-B-3936 ïa kaba la kynnoh pyndonkam da kine ki briew. Ki kila pynlong ïa ka jingtohkit ban pynthikna la kine ki briew ki don bynta ne em ha kiwei ki kam beain hapoh ka thain.
