Shillong, Nohprah 23: Kumba long haduh mynta ki la don kumba 124 ngut ki kyrtong na Meghalaya kiba la ïoh pdiang ïa ka shithi ïohkam ha ka sngi Nyngkong ha ka 14th Rozgar Mela kaba la pynlong ha Shillong.
La ong ba kane ka jingïalang ka dei shibynta na ka prokam kaba la pynlong ha ki 45 tylli ki jaka ha kylleng ka Ri, kiba la pynlong ruh ha kajuh ka por.
U Myntri Khynnah ka Rural Development u Kamlesh Paswan, ula aiti ïa ki shithi thungkam sha ki kyrtong ha ka jingïalang kaba long ha NEIGRIHMS Auditorium, kaba la pynlong da ka 67th Battalion ki CrPF.
Kine ki samla ba ïoh kam kin leit trei mynta ha ki tnad bapher bapher kynthup ha ki 8 tylli ki Ministry ka Sorkar Pdeng, CRPF (Central Reserve Police Force), SSB (Sashastra Seema Bal), ITBP (Indo-Tibetan Border Police), Health Ministry, Railway, BSF (Border Security Force). Postal Department, Finance Ministry.
Shuh shuh u Myntri Rangbah Duh ka Ri Narendra Modi ula plie ïa kane ka Mela, kaba la buh ban sam haduh 71,556 tylli ki shithi thungkam sha ki samla ba dang shu shah jied ban ïohkam ha kylleng ka Ri.
