Sohra, Nailar 03: Ka thaiñ Sohra ka la ïoh ïa ka Waste Recovery Centre ne ka jaka pynïakhlad ïa ki jaboh jabaiñ, kaba nyngkong eh, haba ha ka 2 tarik mynta u bnai la plie ïa kane ka Centre ha Khliehdong ha jaka ba la tip kum ka Mawdngong.“Kane ka Centre kan long ka jingmyntoi ïa ka Shnong bad ka thaiñ Sohra hi baroh kawei ha kaba yn lum ïa ki ñiut ki ñer katkum ka juk stad ba mynta bad ka ban nym ktah eh ne pynjaboh ïa ka mei mariang.“Ïa kane ka Centre la bei tyngka da ka Assam Rifles ryngkat ka jingïakympham lang ka tnad Urban Affairs jong ka sorkar jylla. U Brigadier KVK Prakash, u la plie ïa kane ka Centre ryngkat ka jingïadon lang ki ophisar ka Assam Rifles, ka tnad Urban, ki nongtrei ka KWRC bad kumjuh ruh ki dkhot jong ka Executive Committee ka Shnong, ki paidbah nongshongshnong bad kiwei kiwei.
