Nongstoiñ, Lber 06: Ka seng Congress lyngba ka Mahila Congress Committee West Khasi Hills, ha ka sngi balang ka la ïoh ban pynlong ïa ka jingïalang paidbah ban jied pynthymmai ïa ki nongkitkam jong ka District lem bad jong baroh lai tylli ki Block kynthup ïa ka Nongstoiñ, Mawshynrut bad ka Rambrai Jyrngam.
Ha ka jingïalang kaba la pynlong ha Congress Bhawan Nongstoiñ, la ïadonlang naduh ka kong Joplin Scott Shylla President ka Meghalaya Pradesh Mahila Congress kaba la ïoh ban pynskhem ruh ïa ki nongkitkam da ka kong Sony Kharjana General Secretary ka Meghalaya Pradesh Mahila Congress Committee, ka Kim Haokip Secretary ka All India Mahila Congress Incharge ka Meghalaya Pradesh Mahila Committee, u bah Bormanding Nonglang president ka District Congress Committee West Khasi Hills bad kiwei kiwei.
Ki nongkitkam ba thymmai jong ka District Congress Committee Mahila ki kynthup ïa ka kong Joyfulness Marweiñ kum ka President, Phyrnai Sohshang Vice President, Lucky Marweiñ Secretary, Gloryhorny Lyngkhoi Treasurer bad ka Deitina Marweiñ kum ka nongai buit.
Katba ka kong Meris Kharsyntiew ka la shah jied kum ka President ka Meghalaya Pradesh Mahila Congress Nongstoiñ Block, ka kong Rose Mery Marbaniang kum ka President jong ka Meghalaya Pradesh Mahila Congress Mawshynrut Block.
