Ïoh jingïarap mar mar kiba shah ktah ha ka Mock Drill Exercise ba pynlong ha WJHD

0

Jowai, Lber 20: Ka ophis treikam u Deputy Commissioner, District Disasters Management Authority (DDMA), West Jaiñtia Hills District ha ryngkat ki tnad sorkar bapher bapher kila ïashim bynta lang haka State-Level Mock Drill Exercise kaba la pynlong mynta ka sngi 20 tarik u Lber, 2025.
Ha kane ka Mock Drill Exercise hapoh ka West Jaiñtia Hills District la pynlong ha Jowai, Amlarem Civil Sub-Division, Amlarem, Thadlaskeiñ Block bad ha Laskeiñ Block.
Kane ka Mock Drill ka long shi bynta ban ïoh jinghikai bad ban long kiba la khreh ha kano kano ka por ba khih u jumai ha ka jingheh kaba 8.7 As part Richter scale ïa kaba la leh ha kylleng ki dong jong kitei ki jaka.
Ha Jowai kiba shah ktah mynta ka sngi haka Mock Drill ki kynthup ka jingpluh ding ha Dowel Fuels Ladthalaboh, ka jingtwa khyndew ha Raitsasim surok bypass, ka jingkhyllem ki bynta ka ïing ha Ladthadlaboh Secondary School, Ladthalaboh bad ka Staged Emergency Scenarios ha I-India Family Mart kaba don ha Loomsoïung bad ha Dr. Norman Tunnel Hospital ha Moosalyngat, katba ka jaka ai sumar ïa kiba mynsaw la leh ha madan jong ka Nangbah Government College, Ladthalaboh.
Ka jingïashim bynta ki nongtrei bad ki kynhuh ba hakhmat jong kane ka kam (emergency) kila lah ban leit ai jingïarap mar mar ha ka por kaba biang eh ban pynlait im ïa kiba shah ktah da kaba ai jingsumar bad ban ai ka jingïada ba paka ïa ki paidbah.

Leave A Reply

Your email address will not be published.