Jowai, Jymmang 29: Ka Jaiñtia Students’ Union (JSU) Jowai Circle ha ka sngi Palei ha ka por dang step phyrngap kumba 1:15 baje eiei kila ïoh bam bat ïa 8 ngut ki nong Bangladesh kiba thmu ban wan rung be-aiñ shapoh ka jylla Meghalaya na ki ar tylli ki kali (Tourist) Wagon R.
Na kine ki kali kawei kaba don ïa u Registration no ML05 AE 4857 bad kawei ML05 AB 3544 la ïoh bat ïa ki da ki dkhot ka seng ha ki bynta jong ka Demthring (check Point) West Jaiñtia Hills District.
Hadien ka jingtohkit ïa kitei ki bar ri kiba kynthup ïa saw ngut ki kynthei bad 4 ngut ki shynrang la lap ba kim don satia ïa ki kot ki sla kiba biang ban pynshisha ïalade, kitei ki briew kila ïathuh ruh bala don sa kawei ka kali Alto kaba la phet rieh na kane ka jaka ba pynlong ïa ka jingkhynra bar jylla.
Na ka liang ka seng kala leit ban ujor noh da ka ejahar ha Jowai Police Station khnang ba kin ïoh leh ïa kaba donkam.
