Shillong, ïaïong 12: Ka Holly Cross Secondary School bad ka Sunrise ki la jop ïa la ki jong ki jong ki jingïalehkai ha ka Inter school Under 15 2025 ba la pynlong da ka Shillong Cricket Association hynne ka sngi Saitjaiñ. Na ka liang jong ka Holly Cross Secondary School ka la pynliem ïa ka Shillong Secondary School da 9 ron, katba ka Sunrise Secondary School ka la jop da 15 ron lyngba ka DLS Method ïa ka Xavier’s Secondary School.
Ka jingïalehkai kaba nyngkong ka la sdang ha kaba ka Shillong SS ka la jop ïa ka jingkynting pisa bad ka la aiti sha ka Holly Cross School ban tied nyngkong, ha kaba ka la lah ban kamai 98/10 haki 14.3 ober.U Sujoy Das u la kamai 17 ron naki 22 bol, katba u Harsh u la kamai 15 ron naki 13 bol. U Gautam Paul u la khur 3/7 naki 2.3 ober, katba u Arup Paul u la khur 2/11 naki 3 ober.
Haba pyrshang jubab ka Shillong Sec School ka la shah khanglad noh tang da 89/4 haki 15 over, na ka liang jong u Gautam Paul u la kamai 48 ron naki 41 bol, bad u Riyan kr Hajong u la kamai 10 ron naki 17 bol.
Napdeng ki rangkawang bol kiba seisoh ki long u Hars uba la khur 2/17 naki 3 ober uba la khur syndon ïa ka nam Player of the Match, hadien ba u la kamai ruh 15 ron ha ka por ba tied.
Haba phai sha kaba ar, ka St Xavier’s School ka la lah ban kamai 96/5 haki 15 ober hadien ba shimti ban tied nyngkong. U Abuzar qureshi u la lamkhmat ha ka tied da kaba kamai 30 ron naki 35 bol. U Aniket singh u la khur 2/20 naki 3 ober.
Ka Sunrise Sec School ka la lah ban kamai 56/0 haki 7.1 ober bad namar ka jingshah pynthut ha u slap ka Sunrise ka la khur ïa ka jingjop lyngba ka dls method da 15 ron. ïa ka nam Player of the Match la khur da u Huzaifa Hussain.
