Jowai, Naitung 12: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Ha kane ka jingïakhun Semi Final ba nyngkong ka kynhun ïalehkai jong ka Mulang Ialong kala lah ban pynliem da 2-0 kol ïa ka Mukhla Raij, ïa kitei ki kol na ka Mulang Ialong la thep da u Charelang Mulieh haka minit ba 43 bad u Chalet Phawa haka minit ba 54.
Haba phai pat sha ka jingïakhun kaba ar ka Dulong kala lah ban pynliem da 2-0 ïa ka Demthring, da ka jingïashut Tie Breaker.
Lyngba kane ka jingjop jong ka kynhun Mulang Ialong bad ka Dulong kin ïakneh syndon ïa ka nam lahduh ha ka 15 tarik u Nailar, 2023 kaba dei ka sngi rakhe ïa ka ‘Independence Day’.
