Jowai, Nailar 09 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Luti Tuber Ialong kala lah ban pynliem da 4-1 kol ïa ka 7 Wasa. Ïa ki kol naka Luti Tuber Ialong la thep da u Richard Dhar ha ka mint ba 36 bad u Iohbhah Dhar lai kol kata ha ka minit ba 5, 42 & 43. Katba ïa ka shikolna ka 7 Wasa la thep da u Sambha Ryngkhlem ha ka minit ba 41.
Ha ka jingïakhun kaba ar kaba la long hapdeng Sailung Ialong pyrshah ïa ka Iawmulong, na ka liang ka kynhun ïalehkai jong ka Sailung Ialong kala jop haduh 4-0 kol, ïa kitei ki kol la thep marwei da u Bashanbor Pale ha ka minit ba 13, 15, 21 bad 60+1.
