Jowai, Naitung 07: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka Lah Sngi u Blei ha madan Kiang Nangbah Stadium, Dongmihsngi Jowai.
Ha kane ka jingïakhun Pre Quarter ba khadduh mynta ka sngi ka kynhun ïalehkai jong ka Mulang Ialong kala pynliem da 2-0 kol ïa ka Luti tuber Ialong, ïa ki kol na ka Mulang Ialong la thep da u Chalet Phawa ha ka minit ba 53 bad u S. Pale ha ka minit ba 57.
Katba ha ka jingïakhun kaba ar Evergreen Mukhla kala pynliem kumjuh da 2-0 kol ïa ka Mooknor Thadmuthlong. Ïa kitei ki ar kol na ka Evergreen Mukhla la thep da u Chwami Dkhar ha ka minit ba 2 bad u Pynshaimiki Sana ha ka minit ba 40.
