Ïatreilang ka PIB, ka CBC bad ka RABM na ka bynta ki sawdong sawkun kiba ïaineh bad kiba khuid ba suba

Shillong, Risaw 02: Ka Press Information Bureau (PIB), Shillong, ha ryngkat ka jingïatreilang bad ka Central Bureau of Communication (CBC) bad ka Regional Academy for Broadcasting & Multimedia (RABM), Shillong, mynta ka sngi, ka la pynlong ïa ka jingpynkhuid paidbah ha All India Radio (AIR)-RABM Campus, Pohkseh, Shillong, mynta ka sngi hapoh ka campaign Swachhata Hi Seva (SHS) 2026.
Ki heh ophisar bad ki nongtrei jong ki lai tylli ki kynhun ki la ïashim bynta ha kane ka jingpynkhuid, ha kaba ka kam ka pynleit jingmut ha ki jaka ba shabar jong ka ophis bad ka sawdong sawkun jong kane ka jaka. Ka prokram ka kynthup ïa ka jingpynkhuid ïa ki jaboh ba la lum bad ruh ka jingsumar ïa ki jaka paidbah, kaba ïahap bad ka phangpdeng jong ka campaign “Swachhata Mein Sahbhag; Swachh Bharat, Viksit Bharat.”
Kane ka sien jam ka ban jur ia ka jingdonkam jong ka jingïashim bynta ba iaineh jong ki jaka treikam bad ki rukom treikam jong ki nongshong shnong kiba don ka jingkitkhlieh ha kaba pynneh pynsah ïa ki sawdong sawkun kiba koit ba khiah. Ki heh ophisar ki la ban jur ba ki jingpyrshang kiba rit bad kiba man ka por da ki briew bad ki kynhun ki lah ban nohsynniang sha ka jingkylla ha ka jinglong kaba ïaineh.
Ka campaign Swachhata Hi Seva ka kyntiew ïa ka rukom treikam jong ka baroh kawei ka Sorkar bad baroh kawei ka Imlang Sahlang, kaba pynshlur ïa ki jaka treikam, ki nongtrei bad ki nongshong shnong ban ïashim bynta ha ki kam kiba kyntiew ïa ki rukom treikam ba don jingkitkhlieh ha ka imlang sahlang bad ka mariang.