Shillong, K’Lyngkot 13 : Kum shi bynta ka Media Tour ba la pynlong da ka Press Information Bureau hapoh kaViksit Bharat SankalpYatra, ka kynhun ki nongthoh khubor na Uttar Pradesh ka la ïoh lad ban leit sha ka shnong Umden-DiwonEri Silk -kaba jngai70 km na nongbahShillong ha ka sngi Palei ba la dep. Ïa kane ka jingleit la pynlong hapoh ka jingpeit jong ka tnat Textile, Sorkar Meghalaya da ka jingthmu ban peit ïa ka kam thain jain tynrai jong ka jylla Meghalaya.
Ki ophisar na ka tnat Handloom ki la ïalam nyngkong ïa ki nongthoh khubor sha ka Design, Innovation and Research Centre (DIRC) kaba la sdang nyngkong ha u snem 2022 ha ka jingïatreilang bad ka National Institute of Fashion Technology. Kine ki nongthoh khubor ki la ïohidalade ïa ka jingpyndonkam ïa ki jingaiei ka mariang ban pynkylla rong ïa ki jaineri silk (ryndia). Ki la ïohikumno la pynmih ïa u ksai eri-silk (ryndia) na ki khniang da kaba pyndonkam da ki kor kiba iaid da ka bording solar. Ki nongthoh khubor ki la iakren ruh bad ki nongthain jain kiba dang trei ha katei ka por ha Dyeing Shed ha ka DIRC.
Dang shen, ka tnat Textiles, Sorkar Meghalaya, ha ka jingiatreilang bad ka NEHHDC (North East Handloom & Handicraft Development Corporation) ki la sdang ia ka pilot project halor ka “Jingwanrah ia ki kam digital ha ki kam Handloom” ha ka shnong Umden – DiwonEri Silk. Da ka jingwanrah ïa ka teknoloji ba ïaid da ka Artificial Intelligence (AI), yn don mynta ki QR code kiba la thain ha ka jain ban pynshisha ba kine ki jain ki dei kiba pynmih na ka Jylla bad na kane ka shnong Eri Silk. Ka NEHHDC ka dei kaba ïatreilang ha ki kam teknoloji ha kane ka projek lyngba ki mar IOT (Internet of Things) ha ki jaka pynmih jain ban pynbiang ïa ki QR code bad kane kan ïarap bha ban buddien ïa ka tyllong jong ki jain, bad kan aibor ruh ïa ki nongthied lyngba ka jingai jingtip nangno kine ki jain ki wan.
Ka shnong Umdenka dei kaba pawnambha namar ki jain Eri silk bad ka jingthain ïa ki jain kum ki ryndia, ki stole ha ka rukom saindur kaba kyrpang. Ban ïohi lut ïa kane baroh, kane ka kynhun ka la shang sha baroh kawei ka shnong. Ki la leit ïa kynduh ïa ka Kong SwerlisSyngkliha ka iing jong ka ha kaba ki la shem ïa ka ha ka por ba ka dang thain ïa ka checked eri silk (ryndia) stole ha ka kor thain jain tynrai jong ka. Ki la lyngngoh ba ka khun jong ka, ka RedolencySyngkli, kaba dang pule mynta ha Guwahati ban trei kum ka Lab-technician ka don ha shnong lajong namar ka Christmas bad New Year bad ba ka dang ïarap ïa ka kmie ban thain jaineri silk (ryndia) stole.
Ha kane ka jingleit sha ka iing jong ka Kong KilorisSyiem, ki nongthoh khubor ki la ïohi ïa ka jingthain jain da ki longkmie ha ki kor thain jain ba kyrpang kaba long ka kor Fly Shuttle Frame ha kaba ki dang thain ïa ka eri silk lane ka ‘jainsem’ryndia.
Hadien kane, ki la leit sha Zong-Hi-l, ka jaka pynmihTmung.Hangne ki la ïohi shibun ki kor Fly-Shuttle Frame ba pyndonkam da ki nongthain jain kiba trei ha kane ka jaka pynmih jain. La ïohiia ki nongthain jain katba ki dang saindur ia ki jain da kaba peit ia ki graph ha ki mobile jong ki shuwa ba kin pynbud ha ka jain ba ki dang thain.
Hadien kane, la ialam ia kane ka kynhun sha ka shnongUmkonkaba long kawei na ki shnong hapoh ka Raid Nongtluhkaba hap hapoh ka shnongEri Silk. Ha kawei na ki iing, ka Kong Margaret Rynshonka dang bunkam ban sumar ïa ki khniang eri silk ha ka iing jong ka da kaba ai bam ïa ki da ki sla castor bad da kaba tap ïa ki da ka jain ban pynsyiad ïa ki.
Kine ki jait khniang eri -silk ki kham shim por, kumba 2-3 bnai, ha ka por tlang ban heh ban san shuwa ba kin sop ïalade da u ksai. Ha ki por lyiur, ki kloi bha ban heh ban san bad ki la kloi ban sop ïalade ha kane ka rukom hapoh shi bnai. Ka shnong ka sngew sarong ban bteng ïa ki rukom treikam tynrai ban pynmih ïa u ksai silk ha kaba ym don ka jingpynïap ïa ki khniang haba sei ïa ki ksai.
Ka iing ba khatduh ba la leit ha ka shnongUmkonka dei jong ka Kong Ciona Rynshon ha kaba ka dang thain ïa ka jaintapmohryndia kaba jyrngam ha ka kor thain jain tynrai jong ka. Ha kawei ka kyndong jong ka iing, ka dang shu dep pynkylla rongïong ïa u ksaieri silk na ka rong ba ïoh na u jait maw ba jushem ha kane ka shnong. Ka jingkhlehrong ka dang don ha ka ding ha ka por ba poi kane ka kynhun. Ka kmie jong ka Kong Ciona ka la wan kren ïa ki nongthoh khubor katba ka dang bat ïa ka tiar ba shna hi ban tan ksai.
Ha kane ka jingleit sha ka shnong Eri Silk ki nongthoh khubor ki la ïohi ïa ki bynta bapher bapher jong ka kam thain jain – naduh ka jingri ïa ki khniang’sairusom, ka jingtanksai, ka jingpynkyllarong bad ruh ka kam thain jain. Ki la dap da ka jingsngew burom ïa ka shnong bad ki nongshong shnong kiba dang bat bad bteng ïa ki rukom treikam tynrai. Ki la ïaroh ruh ïa ka jingseng kam lajong da ki longkmie jong ka shnong kiba la wanrah ïa ka jingriewspah bad ka jingkyntiew ïa ka rukom im kaba don nongrim ha ka mariang kaba ïapher bha bad ka rukom im ha kane ka juk mynta.
Ka Kong DeinieTariang, District Handloom Officer, Ri Bhoi District, Bah P. Suting, Weaving Inspector bad kaK ong RoseliaPyngrope, Weaving Demonstrator ki la leitsynran lang ïa kane ka kynhun ha kane ka jingleit jong ki.
