Shillong, K’Lyngkot 20 : Ha kawei ka jingjia ba sngewsih, uwei u briew uba ym shym la lah ban ithuh ula iap hajrong u wei u Post eletrik ha Mawphlang Sub Station hapoh ka shnong Mawphlang, East Khasi Hills District.
ïa kane ka metiap u rangbah, la sakhi nyngkong da ki paidbah haka por kumba 7 baje mynstep bad hadien kane ki la pyntip sha u Rangbah Shnong bad u Rangbah Shnong mar mar u la pyntip sha ki bor Pulit jong ka Mawngap PS.
Haba ïadei bad kane ka jingjia, u Rangbah Shnong ka shnong Mawphlang u Bah Moon Sunn ula ïathuh ba haduh mynta ki nong shong shnong wat ki Pulit ruh kim ithuh satia ïa une u lanot namar ym lah ban ithuh ïa ka dur jong une u rangbah.
U Bah Moon ula ïathuh ba ula ïoh jingtip ïa kane ka jingjia haka por kumba 7 baje mynstep hadien ba ula ïoh jingtip na ki riew paidbah kiba ïaid kai step.
Ula ïathuh ba ïa ka dur khmat jong une u rangbah ruh ym shym la ithuh satia bad ki dang wad ban tip ba une u dei naka shnong aiu.
La ïathuh ba haduh mynta, ym lah ban tip ïaka daw, ka ban pynlong ïa une u rangbah ban kiew shajrong u Post Light.
