Shillong, Nohprah 16: Ka Committee on Empowerment of Women (CEW), Meghalaya Legislative Assembly, ka la pynlong ïa ka jingïakynduhlang bad ki dkhot kiba wan na jylla Kerala Legislative Assembly ha kaba kane ka jingïalang la pynlong ha Conference Hall jong ka State Convention Centre, Shillong.
Ïa ka jingïalang la pynïaid da ka kong Santa Mary Shylla, Hon’ble Chairperson jong ka Committee on Empowerment of Women, Meghalaya Legislative Assembly.
Ha kane ka jingïalang la shim bynta ruh da ka Pratibha U., MLA bad Chairperson jong ka Committee on the Welfare of Women, Transgenders, Children, and Differently Abled jong ka Kerala Legislative Assembly.
Ki dkhot na baroh artylli ki committee, ha ryngkatlang bad ki heh ophisar na Assembly Secretariat ka Meghalaya bad Kerala, ki la ïadonlang.
