ïakhaid ka Mynkem HSS bad ka Umphyrnai Presbyterian, khur namjop 11 tylli ki kynhun

Shillong, Naitung 25: Ka lympung ïalehkai phutbol jong ki lahduh na ki 12 District kaba la tip kum ka State Level Subroto Mukherjee Cup Football Tournament 2023 kaba la pynïaid da ka Directorate of Sports & Youth Affairs, kaba la jam mynta ha ka sngi ba ar ka jingpynïakhun ïa ki lahduh jong ki lahduh na kine ki 12 District.
Haba phai sha ki jingïalehkai hynne ka Sngi Hat Majai, kata baroh lai kyrdan kiba kynthup ïa ka Under-14 shynrang, Under 17 ki shynrang bad ruh Under 17 jong ki kynthei, ki la don haduh 11 tylli ki kynhun ba khur ïa ka namjop, bad tang kawei ka jingïalehkai kaba la kut da ka jingïakhaid.
Ha ka kyrdan ïakhun jong ki Under-14 Boys, ka Ri Bhoi Mynkem Hr Sec School ka la ïakhaid bad ka East Khasi Hills Umphyrnai Presbyterian Sec School hadien ba ki la ïathep mar 4 kol. ïa ki kol na ka bynta ka Ribhoi la thep da u Me-uba ai Sumer (8min), uChanjib Chetry (9,17,19 min), katba na ka liang jong ka Umphyrnai Presbyterian la thep hi baroh da u Ricky Kharkongor (4,17,19,20 minit).
Ha ka jingïakhun kaba ar na kane ka kyrdan, ka East Garo Hills Bamil L.P School Mangsang ka la ïoh ban khur ïa ka namjop hadien ba ka la pynliem da 3 kol ïa ka South Garo Hills Dabit Ampangdam S.S.A School. Bad ïa kine ki kol la thep da u Walchuang N. Marak (37 min), Driamy N. Arengh (41,48 min).
Ka jingïakhun kaba lai na kane ka kyrdan Under-14 jong ki shynrang, ka North Garo Hills Monfort Hr Sec School ka la jop da 4-1 kol ïa ka West Garo Hills St. John Sec School, bad ïa kine ki saw kol la thep da u Nikgam D.A Sangma (13,28,40 min) bad u Topay Momin (43 min), katba ïa ka shi kol na ka kynhun ba ïakhun pyrshah la thep da u Wanchiang K. Marak (36 minit).
Ha ka jingïakhun kaba bud, ka East Jaintia Hills K.B Memorial Sec School ka la pynjemkhnap ïa ka South West Garo Hills Rongsang A.Bagre Sec School da kaba thep haduh 6 kol, bad ïa kine ki kol la ïoh ban thep da u Lyonel Ryngkhlem (6,7 min), Cifullmi Shylla (16,23 min), Jerimi Dkhar (30,46 min).
Haba phai pat sha ka jingïalehkai jong ki samla lud ba dang hapoh ka 17 snem ka rta (Under-17 Boys), ki khynnah ïalehkai jong ka South West Garo Hills Okkapara Sec School ki la ïoh ban khur ïa ka namjop da 2 kol pyrshah ïa ka South West Khasi Hills Rangthong
Christian Hr. Sec School . ïa kine ki 2 kol la thep da u Toningbath Sangma (30 min), Weltin Sangma (50 minit).
Na ka liang jong ka Eastern West Khasi Hills Mairang Presbyterian Hr Sec School ka la jop 3 kol ïa ka South Garo Hills Nilwagre Sec School lyngba ki kol ba la thep da u Franky L Marwein (7 min), Youngbut Nongbet (23 min), Denistar Nongrah (45 min).
Ha ka jingïalehkai kaba lai, ka West Jaintia Hills North Liberty Hr Sec School ka la jop salit da shi kol ïa ka East Garo Hills Rongrengre Govt Hr Sec School, bad ïa ka kol la thep da u Gideon Mukhim (10 min).
Ka North Garo Hills Bekanang Sec School ka la pynliem ïa ka West Garo Hills Dobasipara Sec School da lai kol, bad ïa ki kol la thep da u Lian Ch Sangma (26,55 min), Konaton Rabha(60+2 min).
Haba phai pat sha ki jingïalehkai jong ka kyrdan Under 17 jong ki kynthei, ka Eastern West Khasi Hills Little Stars English Medium Sec School ka la ïoh ban khur ïa ka namjop pyrshah ïa ka South West Garo Hills Birin Nuchong Sec School da 3-1 kol. ïa kine ki lai kol la thep da i Isha Warjri (15+6 mins), Naphibanlamlynti L. Mairang (43), Evamerry Myrthong (50 min), katba ka shi kol jong ka kynhun ba ïakhun pyrshah la thep kum thep hi da i Nelfinia Syiem (own Goal) (29 min).
Ka East Garo Hills Chachat UP School Rongjeng ka la mad namrem da 1-3 kol ha ka South Garo Hills Telekali SSA U.P School, ïa kine ki kol la thep da i Attamchi Sangma (30+2) na ka bynta ka East Garo Hills, katba ki lai kol ïa ka South Garo Hills la thep da i Nenganchi N. Sangma (9,49 min), Silinda R. Marak (60+2 min).
Ka South West Khasi Hills Rangthong Christian Hr Sec School ka la pynliem ïa ka West Garo Hills Monfort Dilni Bolchugre School da 4-1 kol, bad ïa kine ki saw kol la thep da i Eightfulness Shangdiar (22,58) Rikynti Lyngkhoi (30+1, 33 min), katba ka shi kol ïa ka kynhun ba rem la thep da i Sengchame Ch Momin (60+1).
Ka jingïalehkai kaba khadduh jong ki kynthei, ka East Jaintia Hills Khliehriat Hr Sec School ka la pynjemkhnap ïa ka North Garo Hills Rongrong UP School da kaba pynbam haduh 6 kol bad kine ki kol la ïoh ban thep da i Felicia Sympli (14,37,43 min), Phyrnaibha Nongtdu (38,57 min), Diwakapaya Shylla (55 minit).