Khliehriat, Risaw 05: Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long hynne ka Sngi Palei ha madan Deinchynrum, Khliehriat, ka la jam sha kaba kut ha kaba baroh ar tylli ki jingïakhun ki la poi sha ka jingïakhaid.
Haba phai sha ka jingïakhun kaba nyngkong na ka liang ki kynhun ïalehkai hapdeng ka Mukhaialong SC bad ka Wahiajer NYSSC kila poi sha ka jingïakhaid khlem da don mano mano ba ïoh pynkhihjar.
Katba ha ka jingïakhun kaba ar ruh kaba la long hadpeng ka Tpepswer SSWO bad ka Rangad SC, kine ruh kila ïakhiad khlem don ba lah ban thep tad haduh ba kut jong ka jingïakhun.
