Shillong, Ïaïong 17: Ka Jaiñtia National Council ka la leit ban kynduh ïa u General Secretary ka Bharatiya Janata Party, Meghalaya State Unit u Bah Wankit Pohshna bad aiti ruh da ka dorkhas, hapoh ka jingïalam u Bah Sambormi Lyngdoh uba dei u President Rangbah.
Kane ka jingwan ban kynduh ki nongïalam ka JNC ïa u General secretary ka BJP kadei halor ka jingeh ba ki paidbah ki la mad naduh ba shah khang tih dewïong. Haba kren bad ki lad pathai khubor, u Bah Sambormi u la ïathuh ba ka jingïakren bad u bah Wankit Pohshna ka ai ka jingkyrmen ïa ka seng na ka bynta ba u la kular ba un pynpoi shaduh Delhi ïa kane ka jingïakren.
Shuh shuh u la ong ba kim lah ban pdiang ïa ka jingkren jong u Myntri Rangbah u la kam ba kam don nongrim namar ka jylla Meghalaya hi ka don ïa ka paragraph 12A(b) jong ka Sixth schedule.
