Khliehriat, Nailar 29: Ki ki nongialam bad ki dkhot jong ka ka Balang U Blei Wahiajer ba la synran lang da ki longkmie longkpa jong ka Balang mynta ka sngi hapoh ka jingïalam u bah Samuel Sutnga bad u bah Sunday Suting ki la leit ban iakynduh ïa ki heh jong ka company Topcem bad pan jingpynshai halor ka jingkam jong ki heh ka company ba ki la pynshna ïa ka ïingmane Balang u Blei ha Wahiajer ka ba la shu kren khlem nongrim.
Na ka liang u Local director jong ka company Topcem, u bah Phon Syih ha ka jingiadonalng kiwei ki heh ka company, ki la pynshai shai sha ki dkhot ka Balang da kaba ong ba ka don ka jingkren kum kata hynrei uto uba kren u khlem mut satia ïa ka ïing mane jong ka Balang U Blei ha Wahiajer hynrei, une uba kren u mut ïa kawei ka ïingmane ba la thaw hapoh u pud u sam jong ka kharkhana hi.
Hadien ka jingiakren, mynta ka sngi hapdeng kine ki ar liang ka la poi sha ka jingiasngewthuh jingmut bad na ka liang ki dkhot ka Balang ki la ong ruh ba kim kwah shuh ban dang mih kum kine ki ktien kiba ym don nongrim ei ei ruh khamtam ha ka jingiadei bad ka kam Balang.
