Shillong, Naitung 14: U Deputy Commissioner ka Ri-Bhoi District, mynta ka sngi Thohdieng, ula kyntu ïa ki paid nongshong shnong jong ki shnong ba don sharum jong ka wah Umiam, Damsite, ba kin husiar bha ïalade namar ka MeECL ka lah ban pyllait um ha kano kano ka por na ka pung Umiam.
Kat kum ka jingong jong u, ka um hapoh ka pung Umiam ka la kiew sha ka 3205.75 kat haduh ka por 8 baje mynstep jong ka 14 tarik Naitung. U ong ba ka MeECL ka lah ban pyllait ïa ka um na pung Umiam ha kano kano ka por lada ka um ka dang kiew ha kane ka pung sha u pud ka jingma.
Ula ong ba ki briew ba sah sharum ka dam Umiam la kyrpad ba kin husiar bha ialade bad la ai jingmut ba kin ym ïatur shajan ka wah Umiam khnang ban lait na kino kino ki jingjia kiba sngewsih.
Ula ong ba lada jia ba wan ka jingshlei um, ki briew ki dei ban pynjngai ïalade na ki post elektrik bad ki sainar khnang ban lait na ka jingshah bat bording.
