Nongstoiñ, Nailar 25: Ka Ïingkashari ba kyrpang lane Specïal Judge (POCSO) ka West Khasi Hills, ka la hukum ban set phatok haduh 20 snem ïa u nongleh beijot ïa ka samla 17 snem, kaba long katkum ka case ba la register hapoh ka Shallang Police Station.
U Superintendent of Police ka WKH Bah H. Kharkongkor, u la pyntip ba ha ka 2 tarik Naitung, 2024, ki Pulit kila ïohpdiang ïa ka ejahar ba kynnoh ba kawei ka khynnah 17 snem ka la shah leh beijot ha uwei u briew ba kyrteng u Romius Mawsor. Ki Pulit ki la register case pyrshah ïa une u briew hapoh ka kyndon 4/8 jong ka POCSO Act bad ïa ka jingtohkit la khlieh da ka WPSI N E Wanniang.
Na ka liang ka Investigating Officer ka la aiti ïa ka chargesheet pyrshah ïa une u briew hapoh ka kyndon 5(k)/6 jong ka POCSO Act. U SP u pyntip ba ha ka 19 tarik Nailar 2026, ka Ïingkashari hadien ba bishar ïa ki sakhi, ka la pynrem ïa u Romius Mawsor halor ka jingkynnoh kaba hap hapoh ka kyndon 6 jong ka POSCO Act bad hukum ban set phatok 20 snem lem bad ka kuna ba T.50,000. Ka la ong ruh ba lada um lah ban siew ïa ka kuna, un hap ban shong along biang sa shi snem.
