Jowai, Nailar 10 : U Myntri Rangbah duh jong ka Jylla Meghalaya u Conrad Kongal Sangma ha shwa ban pynlong ïa ka Chief Minister Connect and your voice matters jong ka Block level Community interaction programme ha Shangpung Moosyiem, hynne ka sngi 8/8/2024, ula hiar jurip ïa ka Shangpung College bad pynlong ïa ka jingïalang kaba lyngkot naduh ki Nongpynïaid bad ki Nonghikai jong kane ka College, ha kaba ki la ai ha u ïa ka Memorandum na ka bynta ki jingdonkam jong ka College.
Ha ka Memorandum kila kdew ïa ka jingdonkam jong ka College kum ka Campus and Building infrastructure, University Affiliation, NAAC Accreditation, College Library, Justification for Availing Sanctioned Posts, Proposal for infrastructure Grant for Construction of Class-rooms bad kiwei de ki jingdonkam jong ka College.
Na ka liang u Myntri Rangbah nalor ki mat kiba la kdew ha ka Memorandum, u a shah skhor ruh ïa kiwei kiwei de ki jingdonkam ka College ha ka jingïakren bad u Dr. D.G. Lyngdoh uba long ruh u Secretary Governning Body Shangpung College, Shangpung.
Ha kane ka jingleit jngoh u Myntri Rangbah Conrad K. Sangma u la ïoh ïa ka jingpdiang burom da ki Samla pule bad na ki Nonghikai jong kane ka College.
Ha kane ka sngi la ïadonlang ruh u ma Comingone Ymbon u Minister uba dei ruh u MLA ka thaiñ, nalor kiwei de ki heh sorkar ba kynthup ïa u DC bah B.S. Sohliya, IAS, u SP ma C. Syrti bad kiwei de.
