Shillong, K’Lyngkot 02 : U President ka seng ki nongrep ka thaiñ Mawsynram u Bah Odas Pdahkasiej u la khot ïa ka jingïalang jong ki nongrep ka thaiñ ban ïa kren halor ka jinghiar dor jong ki mar rep kaba la ktah haduh katta katta ïa ki nongrep.
U Bah Odas u la pyntip sha ki nongrep ba ka jingïalang kan long ha ophis jong ka seng ha Dongrum Mawsynram ha ka 4tarik Kyllalyngkot 2025 ha ka por 11.00 baje mynstep bad u la kyntu ïa ki nongrep ba mih marwei shiing ban ïapoi ha kane ka jingïalang namar ka ktah ïa ki nongrep.
Ki nongrep ka thaiñ Mawsynram, ki rep ïa u sla tyrpad, u synsar, soh ñiamtra, kwai, tympew, soh marit khlaw, kine ki long tang katto katne ki mar rep hynrei ki don kiwei kiwei ruh ki jingrep kaba ki paidbah ka thaiñ mawsynram ki rep.
Ka jingkhot ïa kane ka jingïalang ka long ban ïamir jingmut kumno ban wad ïa ki lad ki lynti ban pynïoh ïa ka iew kaba biang ha kaba ïa dei bad ka jingdie ïa ki marrep khnang ba ki nongrep kin kham ïoh ïa ka dor kaba biang.
Kumba ka long mynta ka jinghiar dor jong ki mar rep ka la ktah haduh katta katta ïa ki nongrep.
