Na ka bynta kito kiba kiar ban bam doh. Ka jingpyrshang ban jied ka protein kaba thikna ka dei kaba ki lah ban kynduh jingeh. Ki thymmei jong ki jingbam ba jur ban don ka protein ki kynthup, ka doh, dohkha, pylleng, ki jingbam symbai, ka dud, ki jingbam ba ïoh na ka dud bad ki motor. Ki jingbam ba kynthup lang bad ka doh ki ju paw ba jur ban don ka protein. Ha kajuh ka por ki dei ruh kiba jur ka fat (khamtam ka saturated ne ka fat kaba sniew) bad duna ka fibre. Kumta ka long kaba donkam ban kham pynstang ka jingot ïa ki doh bad weng lut baroh ka snep bad ka fat, lada bam ki dohsaw. Ka protein halor ki jingbam ba ïoh lyngba ki jingthung pat ki kynthup naduh u dai, ki jingbam symbai, ka dud bad ki motor bad ki dei ki thymmei ba hakhmat.
Ki don napdeng ki katto katne kiba kiar na ka jingbam doh ki dei kiba ju shaniah tylli tang ha ki motor na ka bynta ka jingpynrung ka protein. Hynrei kane kam long satia ka lynti kaba bha.
Hato u motor u long u thymmei ba tei halor ka jingpynrung ka protein?
Ka long kaba donkam ban bam bunjait ki jingbam halor ka jingpynrung ka protein, namar la kijong kijong ki thymmei ki don la kijong kijong ki amino acid. Kito kiba kiar ban bam doh ki donkam ban bam kiba bunjait ki jhur namar ki jhur ki kham duna ban don ki amino acid. Ka amino acid kaba ngi shem ha ki ata ka dei kaba duna na kaei kaba ngi shem ha u dai, kaei kaba duna ban don ha ka ja ka dei kaba ngi lah ban shem ha kiwei pat ki jingbam, kaei kaba duna ha ki jhur ngi lah pat ban shem ha ki shyieng symbai kum ki jeera bad ki shyieng symbai sesame.
Ka protein ba ngi lah ban shem ha u motor ka dei kaba phi lah ban kynthup napdeng ki jingbam ba phi bam hynrei kumba long lang kiwei pat ki jingbam phi donkam ban bam antad. Kito kiba don ka jingshitom ba ktah ha u thyroid gland ki donkam ban pynduna ka jingkynthup ban bam ïa u motor.
Ki motor ki don ka isoflavones kiba lah ban ktah halor ka rukom treikam hapoh ka met ba syrïem bad ki oestrogen hormone (phytoestrogens) bad kine ki isoflavones ki dei kiba mushlia ruh halor ka rukom treikam jong ki thyroid gland- hynrei baroh kine ki dei kiba duna bad kiba lah ban kylla.
Ka jingdon ki amino acid ka long kaba kham donkam halor ka jingkhmih ïa ka protein. Ka jingkynthup kiba bunjait ki jingbam ba don ka protein ka long ka lynti kaba dei ban pynbiang ka jingdonkam ka protein ha ki jingbam ba phi bam.
Ki jingmyntoi halor ka koit ka khiah na ki motor :
Ka protein ha ki motor ki dei ki thymmei ka jingdon ka protein kaba pura napdeng ki jingbam ba ngi ïoh lyngba ki jingthung kaba kdew ba ki don baroh khyndai jait ki amino acid kiba kynsai ba ka met kam lah satia ban pynmih hi dalade.Ka dei kaba ngi lah ban bam ha kiba bun ki rukom kum ka edamame, tofu, miso, tempeh, ka dud, ne ki powder protein.
Ka protein ba don ha ki motor kam don satia ka cholesterol bad tang khyndiat ka fats, bad jur ban don ka protein kaba kynsai.
Haba ïanujor bad ka protein ba ngi lah ban ïoh lyngba ki mrad, ka protein ba ïoh na ki motor ka dei kaba lah ban pynduna ha baroh ki liang ka jingdon ka cholesterol.Ka protein ba ngi ïoh lyngba ki motor ka dei kaba don ka leucine,ka amino acid kaba don bynta halor ka jingtei ki dohksah, ka jingpynjanai halor ka jingdon ki dohksah kiba stang bad ka jingpynbiang halor ka jinglumthup ki dohksah.
Ka jingbam ki motor ka dei ka lynti kaba bha tam ban pynrung ka fibre kaba lah ban pynjanai halor ka koit ka khiah jong ka kpoh.
Kane ka protein ka dei kaba riewspah ruh ban don ka omega-3 fatty acid, calcium, iron, magnesium, phosphorus, bad ka potassium-kaba paw ba ka logn ka thymei kaba lah ban ai jingmyntoi ha kiba bun ki liang ka koit ka khiah.
