Shillong, Nohprah, 17: Hynriew ngut ki briew ki la mynsaw jur katba kawei pat ka kynthei ka la duhei ïa la ka jong ka jingim hadien ba ka kali Sumo kaba ki shong kaba don ïa u nombar MLo5 L-9415 ka la thung baji sha riat ynda poi ha ka surok Shillong-Mawlai Bye Pass.
Kane la jia ha ka por 8:30 baje mynmiet ka 16 tarik mynta u bnai katba kane ka kali ka dang mih na Mawiong, Shillong ban leit buh ïa kine ki hynniew ngut sha Technology Park kaba don ha Umsawli, New Shillong Township.
La ong ba kine ki hynñiew ngut ki la mih na Mawïong ban leit Night Duty sha Technology Park hynrei khlem poi pyrkhat ba kin ïakynduh pynban ïa kane ka jingjia ba sngewsih.
Ïa kane ka kynthei kaba la duhnoh ïa la ka jong ka jingim la ithuh kyrteng kum ka Kong Elbinsiful Marweiñ.
Ïa kiba la mynsaw jur la pynkit noh marmar sha Hospital da ki nongtrei jong ka EMRI-108 bad ki Pulit jong ka Mawlai Police Station, ka kynhun Search and Rescue Team lem bad ki paidbah.
