Shillong, Jylliew, 30: U Myntri Rangbah ka Jylla u Conrad K Sangma ha ka sngi Thohdieng u la ïathuh ba ka Sorkar Jylla shen kan sa ïathir bad ïatai sani bad ki lai tylli ki Autonomous District Councils (ADCs) ha kaba ïadei bad ka jingtyrwa ban pynbeit thymmai ïa ka Sixth Schedule jong ka Riti Synshar ka ri India.
“Ngin sa ïakren bad ki Autonomous District Councils bad ïa kane ladep pyntip ruh sha ki la katto katne por,” ong u Sangma ha ka jingïakren bad ki lad pathai khubor.
U la bynrap, “ngi ju pyntip manla ka por sha ki ADC halor kane.”
U la ïathuh ba ka Sorkar Jylla ka dang ïai bteng ban ïakren bad ka Sorkar India halor kane ka kam.
“Ki don katto katne ki jaka hynrei ngi la ïohi ba palat 95% na ki jingai jingmut ladep ban shim bad ki dang don sa katto katne ki ishu kiba dang sah,” ula ong bad bynrap, “haoid, ka kam ka dang tyllun bad ngi kwah ban ïohi ba kane ka jingpynbeit thymmai kan urlong hadien ba la ïamynjur bad pdiang lang da baroh. Nga kyrmen ba kan urlong shen.”
