Halor ka jingshah tynrah u samla haduh da khlad, dawa ban pynïoh ïaka hok: Sambor Surong

Jowai, Naiwieng 18: U Sambor Surong, uba dei u Founder jong ka West Jaiñtia Hills District Adventure Sports and Mountaineering Club, ula phah ka jingsngewlem halor ka jingkhlad u samla (L) Huddersfield Rymbui, haka 15 tarik u Naiwieng, 2024 na ka jingjia shah tynrah kali kaba suba ba kadei ka kali pulit.
Halor kane u samla Surong ula pynrem jur ia kiba donkti ha kane ka kam da kaba ong ba kane ka jingleh jong ki ka long kumba shim ïa ka jingim briew khlem da kheiñ shuh, kumta u kynthoh jur ba yn ym lah satia ban pdiang ïa kane ka jingleh.
Shuh shuh ula ong kane ka jingshah tynrah haduh da khlad utei u samla la donkam ban ïoh ïa ka jingbishah kaba hok bad la dawa jur na ki bor sorkar ba kin shimkhia mardor ïa kane ka kam.
Kum u nongseng ïa West Jaiñtia Hills District Adventure Sports and Mountaineering Club, u dawa jur ïa kahok u paralok bala khlad ba un ïoh ka jingbishar hok bad ban pynshitom ïa kiba donkti ïa katei ka kam, khnang ba kum kine ki jingjia kim nym jia shuh nangne shakhmat.
Ha ka juh ka por kum ka Club kan ïeng skhem bad ka ïing ka sem jong u (L) Huddersfield Rymbui ban dawa ïa ka hok, la pynkut na u samla Sambor Surong.