Hakhmat u Symbud Myntri Rangbah pynsngew ka HANM ïa ki 3 tylli ki mat jingdawa

Mawkyrwat, Nailar 18: Ka Hynñiewtrep Achik National Movement (HANM), South West Khasi Hills District, hapoh ka jingïalam jong u bah Lambokstar Marweiñ, President ka la ïa ka dorkhas hakhmat u Symbud Myntri Rangbah ka Jylla, u Bah Prestone Tynsong, ha ka 17 tarik u Nailar 2026, ban pynsngew ïa ki mat jingdawa kiba donkam na ka bynta ka roi ka par bad ka jingmyntoi jong ki paidbah ka thaiñ.
Ha kane ka dorkhas, ka seng ka la pynsngew ïa ki mat jingdawa ba kongsan kata ban ai ïa ka surok Intermediate Lane na Mawkyrwat – Mawranglang – Phottdei – Ladjinrai, kaba jrong kumba 19 km, bad kaba lah ban pynsuk ïa ka leit ka wan jong ki paidbah, khamtam ïa kiba shong shnong ha kine ki thaiñ. Ka seng ka la pynpaw ruh ba kane ka surok ka lah ban long kawei na ki surok kiba pynïasoh lyngba ka lynti kaba kham lyngkot bad kawei na ki View Point ba pawnam ha Mawranglang.
Nangta, ban pynbha bad pynitynnad ïa ki surok kiba don sawdong jong ka Headquarter Mawkyrwat, khnang ba ka shnong Mawkyrwat bad ban ai noh ïa ka Mawsaw Block, kumba ka seng ka la dawa bunsien, namar ka jingdonkam jong kane ka Block ka la long kaba kongsan bha na ka bynta ka jingshakri bad ka jingmyntoi jong ki paidbah jong ka thaiñ.
Ka HANM South West Khasi Hills ka la pynpaw ïa ka jingkyrmen ba ka Sorkar Jylla kan sa shimkhia bad kan pyndep ïa kine ki mat jingdawa, namar ki long ki mat kiba donkam bha na ka bynta ka roi ka par bad ka jingmyntoi paidbah.