Shillong, Jylliew 05: Ki pulit ki la ïathuh ba ha ka 2 tarik mynta u bnai, ha ka por kumba 4.20 baje mynstep, u Bah Wellibroad Majai ha ryngkat bad ki paralok ki la pyntip ha Bholaganj PCP (EKH) ba ki la don ki runar bym lah ban ithuh ki la tuh ïa ki thuk thuk jong ki, kiba don ki nombar ML-05AB-8763 bad ML-05E-7898, napoh ka jaka sah jong u kaba ha ka shnong Umdud, Bholaganj (EKH).
Shuh shuh ha kawei pat ka jingjia, ki pulit ki la ïathuh ba u Bah Iakitlang Kharbuli bad u Bah Teiboklang Pyngrope, ki la ujor lang bad ki runar bym lah ban ithuh ki la tuh ïa 2 tylli ki thuk thuk na ki jaka sah jong ki kaba ha Diengpasoh bad Mawpdang Dongmawlieh (EKH).
