Shillong : U Bah Welbirth Rani u ba dei ruh u President barim ka FKJGP bad u Chairman ka North East Indigenous People’s Forum Meghalaya Chapter u la ai da ka song jingïarap kaba 2 Lak tyngka ha ka sngi pynkut ïa ka Final jong ka football Tournament ba la pynlong da ka Tyrsad Area Sport Association (TASA) kaba la sdang naduh u bnai Nailar bad ka ba la pynhap pyrda noh ha ka ha ka taiew ba la dep.
Ha katei ka sngi ka TASA ka la pynlong ïa ka Final jong baroh lai tylli ki division kata ka 3rd, ka 2nd bad ka 1st Division.
Ha ka 3rd division ka Mawdngong FC ka la pynliem noh ïaka Mawkynroh FC ban rah ïa ka nam lahduh, katba ha ka 2nd division pat ka ka Laitmawhing FC ka la pynliem noh ïa ka Thainthynroh FC.
Haba phai pat sha ka 1st division ka Mawlum Tyrsad SC ka la jop ïa ka Pamsanngut SC 5-4 ha ka penalty hadien ka jingïakhaid mar shi kol ha ka jingïaleh kai.
Ha katei ka jingïaleh kai kaba la shongshit bha da ka jing wan sakhi ki paidbah ki ba la pyndap mam ïa ka sawdong sawkun jong ka madan ha ryngkat ka jingïadon lang ki riew rangbah ka thaiñ.
