Hadien kumba 28 snem ïoh Rangbah Shnong thymmai ka Mawlai Mawdatbaki

Shillong, Jymmang 20 : U Bah BR Kharmujai u la phah ka shithi iehnoh kam kum u Rangbah Shnong ha u Lber, 2025 na ka daw jong ka jinglong tymmen bad bym biang shuh ka bor met, hynrei ka Executive Committee jong ka shnong ka la bynshet ban un bteng tad haduh ban jied Rangbah Shnong thymmai.
Kumta ha ka step 19.5.2025 la lum ïa ka Dorbar jong ka Shnong Mawdatbaki baroh kawei ha lympung Umshyngiar Dong Umjan ban jied ïa u Rangbah Shnong ba pura.
Da ka jingmonlang ha ryngkat ka sur jong ki nongshong shnong baroh, la jied bad pynskhem shisyndon ïa u Bah George Kharmujai uba dei hi u pyrsa ksïew jong i Rangbah Shnong barim kum u Rangbah Shnong bapura ka Mawlai Mawdatbaki.
U Bah George Kharmujai u la shakri ruh kum u ophisar ka Sorkar Jylla ha ki snem ba la leit, bad u la shongthait na ka kam ha ma kyrdan Director ka tnat Soil and Water Conservation ka Sorkar Jylla.
Ha kane ka step la ïoh ruh ban jied ïa u Bah Mawkordor Nongsiej kum u Treasurer jong ka Dorbar Shnong Mawdatbaki.
Katkum ka kyrwoh la kyntu ruh ïa ki paidbah ba na bynta ban pynsuk ïa ka jingtreikam nangne shakhmat, la kyrpad ïa ki nongshong shnong sngewbha ban phone ïa ki nongïalam shnong harum : Bah George Kharmujai, Rangbah Shnong – 8014355142, Bah Bhaboklang Kharkulïa,
General Secretary – 9383304022
Kane ka long katkum ka jingpynlait kyrwoh na u General Secretary jong ka Dorbar Shnong Mawlai Mawdatbaki.