Nongpoh, Naitung 31: Uwei u samla lud uba dang pule ïa ka Class-XII uba don ruh hapdeng ka jingshah ai jinghikai ha kawei ka jaka pule ha them Ri Bhoi u la pynkut noh ïa la ka jingim ha u tyllai phasi ha ka kamra sah jong u.
Katkum ka khubor ba la ïoh lum la pyntip ba kane ka la jia ha ka miet sngi Baar ha ka por 9:00 baje eiei ha kaba une u samla lud u la khang khyrdep ïa la ka kamra shuwa ba un pynkut noh ïa la ka jong ka jingim.
Haba kren sha ki lad pathai khubor, u u Dr. Pallab Kalita uwei na ki nonghikai jong ka skul, u la ïathuh hadien ba ïoh jingtip ïa kane ka jingjia la pyntip noh mar mar sha ki Pulit ka Khanapara Police Station bad rah noh ïa ka met sha Nongpoh Civil Hospital ban leh ïa ka post mortem.
Ka jingtohkit halor kane ka jingjia ka dang ïaid shakhmat ban lap ïa ka daw.
