Nongstoiñ, Rymphang 01: Ka Hynñiewtrep Youths Council HYC West Khasi Hills District hapoh ka jingïalam u Samla Lumlang Kharsyiemlieh President bad Samla Disterborlin Wanniang Vice President, ka la ïoh ban ïakynduh ïa u Bah Prestone Tynsong Dy Chief Minister ka Sorkar Meghalaya ha IB PWD Nongstoiñ halor ki surok hapoh West Khasi Hills District.
Ka seng ka la pynpaw khamtam eh halor ja jingsahkut ka surok na Mawthir sha kyrshai haduh Mih Assam da Two Lane kaba ki Paitbah ki kwah ka la sah kut mynta. Kumta la donkam ba ka Phase 2 kan sdang noh khnang lada lah dep kane ka surok kan kyntiew shisha ïa ka District jong ngi.
Ka jingdonkam ka surok Two lane ne Intermediate Roads na Maweit sha Wahblei sha Kulang haduh Nongjri, khnang kan pynsuk ka leit ka wan khamtam ïa ki paitbah ka thaiñ Maweit.
Ban pynïoh Two Lane noh na Nongstoiñ haduh Mawkyrwat, namar kane ka Intermediate Roads mynta ka leit sha Wahkaji. Hynrei ki paitbah ki kham donkam ka surok heh na Nongstoiñ sha Mawkyrwat kum ka District Connection ha kiba bun ki jingdonkam.
Ban pynïoh da ka Intermediate Roads ne Two lane na Nongkasen sha Kynroh ban leit Shaduh Nongkhnum 18 kilometer bad ban bteng noh da ka Two lane lane Intermediate na Nongjyllieh Sha Nongkhnum. Namar bun ki nongjngoh kai pyrthei ban leit sha Nongkhnum ka kham jan na ne ka surok kan long ka jingkyrkhu ruh ïa ka thaiñ.
Ban kyntiew ïa ka surok Sohpian sha Nongstoiñ sha ka Two lane kaba rung ha ka District Head Quarter, hynrei ka surok kaba roh eh ka la pynjynjar ïa ki paitbah. Ka jingsahkut bun ki surok PMGSY hapoh West Khasi Hills District kiba la phah da ka tnad PWD Road.
Ka surok Wahlyngdoh-Wahrwiang-Porla Maweit- Wahblei-Jaïaw ban bteng shaduh sha Riangwar Umdang. Ka surok na Risiang shaduh Riangpoit. Ka surok na Wahlyngdoh-Wahrwiang-Porla-Maweit-Shyrkon ‘A’ ‘B’ Riangna Sahmyntang Miangmawdar shaduh thawkhong Umdang.
Ban pynbha ïa ka surok Nongmisei sha Langdongdai bad surok Mawkyllon sha Langdongdai. Ban pynrung hapoh ka PWD road ïa ka Surok 100 sngi na Marskuiñ sha Mynnimawbri ryngkat bad ka jingkieng (Bridge) kaba ïaid lyngba ka wah Kynshi.
Ban shna surok thymmai na Marang sha Nongklungrim, Nongklung shaduh Umyiap kaba la don lypa ka surok 100 sngi. Ban pynheh ne ai Intermediate Road ïa ka surok naduh Riwiang shaduh Athiabari. Ban pynbha ïa ka surok na Ktiehthawiar sha Langpih bad surok thymmai na Langpih sha Mawdiangsnam.
Pynïoh ban shna ne siang rong noh ïa ka surok na Rambrai sha Phudumbah shaduh Mawlangsu. Surok NH shahlang to Maheskhola bad kiwei ruh ki surok hapoh West.
Ka seng lyngba u President ka la ong ka West Khasi Hills District, kan sa kynjoh ha u Mawmer 49. Hynrei haduh mynta ki surok kim pat bit pat biang. Kumta ka sorkar kan ïarap ban pynbha, pynheh bad ai thymmai noh ïa kine ki surok khnang ban kyntiew ïa ka District baroh ka wei.
Ka seng ka ban jur ïa ka Sorkar lyngba u Dy CM ban theh ki Surok ha Langpih bad Mawdiangsnam area kiba dei ka border bad ka Assam. Namar ka sorkar Assam ka tyrwa ki paitbah kim treh hynrei ka sorkar Jylla ka leh klet ban theh jingïarap ïa ki thaiñ khappud Assam
Ka seng ka kyrpad ruh ïa baroh 3 ngut ki MLA ka West Khasi Hills District ban ïarap buddien lem ïa kine ki kam ba ka seng ka kyrpad ha u Dy CM. Na ka liang u Dy CM Bah Prestone Tynsong u la ong ba un sa shimkhia ïa kine ki mat ba kongsan bad un sa ïa pynbeit bha bad ki MLA ka West Khasi Hills .
