Shillong, Ïaïong 29: Ka Written examination na ka bynta ka jingpynrungkam pulit ha ka jylla kan sdang naduh bnai ban wan.
Haba pyntip halor kane ha ka sngi baar, u Symbud Myntri Rangbah ka jylla u ba khmih ïa ka tnat ki Kam Pohïing (Police) u Bah Prestone Tynsong u la ong ba u la khot ka jingïalang bad ka Director General of Police (DGP) bad kiwei pat ki ophisar jong ka tnat Home ban bishar ïa ki kam kiba dei bad ka rukom thungkam kaba dang ïaid haduh mynta.
U la ong hadien ba la pyndep ïa ka PET exam, mynta ka tnat kan pynlong sa ïa ka written examination ha baroh kawei ka jylla ha u bnai ban wan bad hadien kane kan sa don pat sa ka personal interview.
