Shillong, Ïaïong, 29: Ka BDW International School, Shillong ka la lah ban pynkut noh ïa ka jingai jinghikai kaba arsngi kaba la khot da ka Training of Trainers (TOT) Certification Course na ka bynta kiba dang pyndep ïa ka CBSE, kaba la pynwandur lang, ba la pynbha bad ba la leh da ka Central Board of Secondary Education (CBSE) bad ka Institute of Secretariat Training and Management (ISTM).
Ïa ka prokram Valedictory, la pynlong ha school campus, ha kaba kane ka pruid dak halor ka jingkutnoh ka jingïaid lynti jong palat 28 ngut kiba la ïashim bynta, ba kynthup ïa ki 9 ki principal jong ki skul bad palat 19 ki PGT bad ki nonghikai TGT na ki skul ba paw na kylleng kane ka thaiñ.
Ha kane ka programme la wan ban ïashim bynta da ki arngut ki national resource person ba pawkhmat ka ri ba kynthup ïa Dr. Subhrajyoti Ray, Joint Director (Personnel), Government of West Bengal, bad ka Preeti Khatri, Assistant Secretary, CBSE, Delhi.
Na ka liang u Dr. Ray u la sam halor ka jinglong nongïalam ha ka pule puthi, ka rukom ai jinghikai methodology, bad ka jingtei ïa ka ri lyngba ka teacher development. Katba ka Preeti Khatri, Assistant Secretary, CBSE, Delhi, ka la ai mynsiem ïa kiba shim bynta lyngba ki jingkren ba shoh mynsiem jong ka halor ka effective facilitation, ka jingpynkup bor ïa ki nonghikai, ka bynta kaba kongsan jong kiba ai jinghikai hapoh ka educational framework ba thymmai.
Haba kren ha kane ka sngi na ka liang ka Gayathri Natarajan, Principal ka BDW International School, ka la pynpaw ïa ka jingsngew sasrong bad jingkmen ban ïoh pynlong ïa kane ka prokram kaba kongsan hapoh ka ri. Ka la banjur ba da ka jingpynkup bor ïa ki nonghikai lyngba ka jingpynbteng ïa ki jingai jinghikai bad ka professional development ka dei ka nongrim ban tei halor ka jingïaid shaphrang jong ki skul bad kumjuh ban pynkylla dur ïa ka pule puthi na ka bynta ka lawei ka pateng ban wan.
Katba ïa ka Valedictory Ceremony la pynïaid da u Rahul Damle, Venue Director uba la ai khublei ïa baroh kiba la ïashim bynta bad na ka bynta ka jingaiti ïa ka kam, bad ka jinglah jong ki ban pyndep pura ïa ki jingshah hikai jong ki.
Na ka liang kiba la ïashim bynta ki la pynpaw ruh ïa ka jingsngewkmen jong ki ban ïoh mad ïa kine ki jingai jinghikai ha kaba kane ka la ïarap shisha ïa ki.
Kane ka prokram kaba arsngi ka pynleit jingmut halor ki jingnang jingtip, ka jingpynsuk ïa ki buit ki sap, ka session design, bad ki sap jinghikai, ka jingpynkhreh kiba ïashim bynta ban long kiba ai jinghikai mar kylliang na ka bynta kane ka CBSE ka ban dang sdang.
Kane ka dak ka pynskhem ïa ka jingaiti jong ka BDW International School ban pynbha ïa ka pule puthi, ban pynkupbor ïa kiba hikai bad kiwei ki bynta ban kyntiew ïa ka roi ka san ha kine ki thaiñ shatei lammihngi bad shabar na kine ki thaiñ ruh kumjuh.
