Ha shrip ki Pulit ka ANTF ngat ki arngut ha ryngkat bad u drok ba shongdor 7 lak tyngka

Shillong, Nailur 21: Ha ka jingpyrkhing ïa ka jingkhaïi drok, ka State Anti-Narcotics Task Force (ANTF) ka la ïoh ban kurup ïa u drok heroin uba shongdor kumba ?7 lak eiei na Pynthorumkhrah, hangne mynta ka sngi Nyngkong.
Da kaba bud ryntih katkum ki jingtip ba bniah shaphang u drok ba la pynkit na Silchar, Assam sha Shillong, ki pulit ANTF ki la bat ia kawei ka kali kaba don ïa u number ML-05-AD-1301 ha Pynthorumkhrah.
Arngut kiba shong ha katei ka kali – u Jamir Hussain Laskar na Pangram, Cachar, Assam, bad u bah Joy Ryntathiang na Umkdait, Nongmensong, Shillong – la kem hadien ba la ioh kurup na katei ka kali saw tylli ki synduk sabon kiba don u drok heroin.
Ïa une u drok la lap ba u don ïa u drok Heroin bad ka jingkhia jong u ka long 40.12 grams, ong u Superintendent of Police ka ANTF u Vikash Kumar.
La rejister ïa ka case katkum ka aiñ NDPS, 1985 bad ka jingtohkit ka dang iaid shakhmat ban wad ïa ka tynrai, ka jaka leit bad ka lynti ban khaïi kaba kham heh, u la ong.