Ha ka Wushu khur takma ksiar na East Jaiñtia, East Khasi na ki kynthei bad ka West Khasi na ka liang ki shynrang
Jowai, Kyllalyngkot 23: Ka 6th Meghalaya Games ha Jowai (West Jaiñtia Hills) kaba la sdang naduh ka 20 tarik Kyllalyngkot ka la jam mynta sha ka sngi ba saw, ha kaba la sakhi ïa ka jing-shongkun bad ka jingïashim bynta kaba shitrhem na ki nongïalehkai.
Ha ka sngi Palei, la ïoh ban pyndep ïa ka final ha ka jingïalehkai Wushu ba la pynlong ha Presbyterian U.P School Indoor Hall, bad la sakhi ïa ki sap ba kyrpang ha ki kyrdan bapher bapher ryngkat bad katto katne ki jinglehkai kiba pynshohbiej ïa ki khmat na ki nong-ïalehkai kiba pyni ïa ka jingtbit bad jingkut jingmut ban ïoh kiew rynsan ha ki lai tylli ki kyrdan khur takma.
Ha ka Women’s 45kg, ka Sisila Dkhar (East Jaintia) ka la khur ïa ka takma ksiar, da kaba sei madan ïa ka jingtbit la ka long haba ïada ïalade lane ban tehlakam ïa ka nong ïakhun liang pyrshah. Ka Rebecca Nongbri (East Khasi) bad ka Ibaniewkor Nongrum (East West Khasi ) ki la bud nadien na bynta ka takma rupa bad rnong marïabud.
Ha ka Women’s 52kg: ïa ka takma ksiar la khur da ka Rijanai Ryndong (East Khasi), ka Samjana Phawa (East Jaintia) ka la ïoh takma rupa katba ka Clara Airi Klein bad ka Thaneng Klein (Ri-Bhoi) ki la ïoh takma rnong.
Ha ka Women’s 56kg, ka Satisfy Syngkon from (West Jaintia) ka la khur takma ksiar, nangta ka Kongka Dkhar (East Jaintia) ïaka rupa, bad ka Chambe Wachira Ch. Sangma (West Garo) bad ka HeilinRongpeit (Ri-Bhoi) ki la khur takma rnong.
Ha ka Men’s 48kg: U Josiah Hynniewta (West Khasi) u la khur takma ksiar. Ka rupa la khur da u Salmi Phawa (East Jaintia), nangta u Pyndaplang Marak (East Khasi) bad u Lambhakidame Lamare (West Jaintia) ki la khur takma rnong.
Ha ka Men’s 52kg: U Nangteishaphrang Nong-kynrih (West Khasi) u la jop takma ksiar, bud sa u Pynhun-borlang Lyngdoh (East Khasi) ban khur ïa ka rupa, nangta u Bankerlang Myrthong (East Khasi) bad u Rubing Lyngdoh (West Jaintia) ki la ïoh ban khur takma rnong.
Ha ka kyrdan jong ka Men’s 56kg la sakhi ïa u Banteiboklang Songthiang (East Khasi) u ba la jop ïa ka takma ksiar, katba u Chemi-I Nongpluh (West Jaintia) ïa ka takma rupa, nangta u Enrich John Kurbah (East West Khasi) bad u Walnaseng M. Sangma (South Garo) ki la jop takma rnong.
Kiba khur takma ha ka Men’s 60kg ki long: Daowan Suchiang (East Khasi) ksiar, Marboodki Myrchiang (West Jaintia) rupa, u Quiston Ch. Momin (West Garo) bad u Ebenezer Tang (West Jaintia) ïa ka rnong.
Khadduh eh, ha ka Men’s 65kg, u Shadwinson Kharmawphlang (East Khasi u la takma ksiar, bud sa u Etwin S. Sangma (West Garo) da ka rupa, u Nehtre Pdien (East Jaintia) bad u Rahbor Timung (Ri-Bhoi) ki la ïoh takma rnong.