Shillong, Risaw 27 : U Myntri Rangbah ka jylla u Conrad K Sangma u la ong mynta ka sngi ba jingïapynbeit pud hapdeng ka Meghalaya bad Assam kan sdang biang ha kine ki khyndiat taiew ban wan.
Haba kren sha ki lad pathai khubor u Conrad u la ong “ Yn shim khia khnang khnang ïa kane ka kam khnang ban sdang biang ka jingpynbeit pud ha kine ki khyndiat taiew ban wan. Ngin sdang ban ïa kynduh noh ïaki Regional Commitees bad ma ngi ki ar myntri rangbah ban pynïaid shakhmat ïa ka kam”.
U la ïathuh ba la dep thaw ïa ki Regional Committee bad kine ki la nang ïaid shakhmat ban leit ïakynduh bad ïamir jingmut bad ki paid khappud. “ Dang shen nga la leit ïakynduh ïa u Myntri Rangbah ka Assam bad ngi la ïa pynlut lang ïa ka por janmiet bad ngi la ïakren sani bha halor kane ka kam ruh” ong u Mynri Rangbah.
