Nongpoh, Nailur 28: U Paiem Hamberly Wahlang u ba dei u syiem ka Hima Jirang u la khlad noh na kane ka sla pyrthei ha ka janmiet jong ka 27 tarik mynta u bnai ha ka rta kaba 79 snem hapdeng ka jingshah sumar ha NEIGRIHMS Hospital hadien ka jingshitom kaba la ban ïa u katto katne por.
U Paiem Hamberly u dei ruh u Syiem ba 3 jong ka Hima Jirang bad u ba la bat ruh ïa ka kyrdan kum u Syiem ka Hima Jirang mynta la kumba 20 snem bad ka jingkhlad jong u mynta ka dei ka jingduhnong kaba khraw ïa ki khun ki hajar ha ka Hima namar ki dang don shibun ki kam ba dang sahteng khamtam ki kam pynbeit pud pynbeit sam.
Na ka liang u Bah Sranly Wahlang Secretary ka Hima Jirang u la pyntip ba u Paiem Hamberly u dei u briew kiba don ka jingkitkhlieh ïa ka ka mynta la kumba 20 snem, bad u dei ruh u briew u ba ju sngewtynnad ban wanrah ïa ka jingbha hapoh ka Hima namar u dei ruh u briew u bat ïa ka kam shakri Blei kum u Tymmen basan hapoh ka Balang Presbyterian Wahsynon.
Ka jingduh noh ïa u Paiem Hamberly ka dei shisha ka jingduhnong kaba khraw, namar ki dang don shibun ki kam ba ka Hima Jirang ka dang dei ban pynbeit hapoh ka jingïalam jong u, hynrei namar ka jingshitom ha ka met u Blei u la ibit ban shim noh ïa I shalade, bad kum ki paidbah ka thaiñ Jirang ki sngewsih kthang halor ka jingduh noh ïa une u nongïalam.
Shuh shuh ka jinglehñiam ba khatduh ïa u Paiem Hamberly Wahlang kan long ha ka 30 tarik mynta u bnai ha u lum jingtep ka Balang Presbyterian Wahsynon.
