Ha ka lyngkhuh sngi iap u Tirot Sing, pynskhem ka KSU ïa ki nongïalam ka NKHD
![](https://mawphor.com/wp-content/uploads/2024/07/WhatsApp-Image-2024-07-17-at-8.24.20-PM-Copy.jpeg)
Nongpoh, Naitung 18: Ki nongïalam ba rangbah jong ka Khasi Student Union mynta ka sngi kila hiar sha Ri-Bhoi ban pynskhem pura ïaki nongïalam ka KSU North Khasi Hills District kaba dei ruh ka lyngkhuh sngi ïap ba 189 jong u Tirot Sing Syiem, hadien ba ki dkhot ka seng kila dep ban pynlong ka elekshon ban jied ïaki nongïalam ba pura dang shen.
Ki nongïalam ba pura jong ka KSU North Khasi Hills District ki kynthup ïa u Samla Ferdinald Kharkamni President, Samla Joseph Lambok Rymbai Vice President, James Hitler Mawphniang General Secretary bad kiwei kiwei bad ïaki nongïalam la wan ban pynskhem da u Samla Lambokstarwell Marngar President ka KSU haka jingdon lang ki dkhot naka sengkmie haka jingïalang kaba la long ha District Library ha Nongpoh.
Ha katei ka sngi la wan ruh ban sakhi da ka jingdonlang u Bah Bipul Thangkhiew President ka RBYF, Bah Luistar Lyngdoh President ka FKJGP NKHD bad kiwei kiwei.
Ki nongkren ha katei ka sngi naduh ki nongïalam ka FKJGP, RBYF bad kumjuh ruh u President ba rangbah ka KSU u Samla Lambok Marngar kila pynpaw ka jingsngewkhia halor ka jingnang tuid ki mynder katba nang mih ki sngi bad donkam ïaki nongïalam ka seng ban skhem haka Nongrim, namar kumba long mynta ka sorkar kam don kano kano ka jingkitkhlieh ban tehlakam ïaka rung ka mih ki mynder ha kaba ki dkot ka seng ki hap ban tur bad mih hi sha madan ban pyni da ka kam namar kane kam dei shuh ka por ban shu thiah thai hynrei ban shim ka jingkitkhlieh halide naka bynta ka pateng ban wan.
Naka liang u Samla Lambok u la kyntu ïa katei ka body ba thymmai jong ka KSU ba kan ia k jingtreikam kaba pura ban shakri hok naka bynta ki paidbah haka district ban long ki nongpeit pyrman ïaka jingleh jong ka sorkar khamtam ka jingteh lakam ïaka rung ka mih ki bar jylla.
Ha katei ka sngi naka liang ka seng kala ioh ruh ban pynkup burom ïaki dkhot ka seng kiba la shongthaid noh ba ka nam bad ka kyrteng jong ki kan iai pyrto junom haka pakit jong ka jingiaid lynti ka seng.