Shillong, Nailur 12: Ka Meghalaya Carrom Association (MCA) shen kan sa ïoh ban pynlong ïa ka lympung kaba la tip da ka 21st Meghalaya Open Garrom championship.
Na ka bynta ka State Ranking Tournament 2023 kaba la pynkhreh ban pynlong hapoh Dorball hall, kaba ha Jaiaw Laitdom, kan sdang naduh ka 27 tarik haduh ka 30 tarik Nailur,2023.
Ha kane ka Tournamènt la ïoh ban bynta haduh lai ki kyrdan lane Event ryngkat bad ka bairung:
1) Team events (Rs 500)
2) Men’s single (Rs 100)
3) Women’s single(Rs100)
4) Veteran’s single (Rs100)
5) Junior’s Boys and girls (Free entry)
6) Mens Doubles (Rs.200)
Ka bai registar kan long 20 tyngka marwei katba 100 tyngka na ka bynta ki kynhun (per team).
Ki la don ar tylli ki teams kiba na shabar kiba la pynthikna ban ïashimbynta ha kane ka tournament.
Kumta na ka liang jong ka MCA ka khot sngewbha ïa ki khynnah pule kiba napoh ka jylla ba kin ïashimbynta ha kane ka tournament, kiba dang hapoh 18 snem.
Na ka liang jong ki nongpynïaid ki la pynbeit ïa ka por ban pynlong ïa ki jinglehkai ha ka por ba lawai ki skul, 4 baje nohphaisngi.
Ha u ne u snem, ka MCA ka la pynthymmai ruh ïa ka rukom pynïaid na ka bynta ka State Institution da kaba khot sngewbha ïa kino kino ki ophis ban phah ïa ka kynhun jong ki ban ïashimbynta ha kane ka lympung. Bad kane ka long na ka bynta ki nongtrei sorkar.
Kane ka long katkum ka kyrwoh ba la pyllait da ka Meghalaya Carrom Association (MCA) halor kane ka tournament ba kan sa pynlong, bad ïa ki jingtip ba kham bñiah phi lah ban phun ha kine ki nombar, 9402190429, 8414093939, 8119864986.
