Mawkyrwat, ‘Naiwieng 27: U Medical Superintendent (MS) jong ka Civil Hospital Mawkyrwat, South West Khasi Hills District un sa pynlong ïa ka jingpynshai paidbah halor ka jingpang bampong ka ban long ha ka 8 tarik u Nohprah, 2023 hapoh Civil Hapoh Civil Hospital Mawkyrwat naduh ka por 10 baje mynstep haduh 4 baje noh phai sngi.
Ha kane ka programme, kan sa don ruh ka jingeksamin kaba khlem kano kano ka jingsiew ban pynlong da ka State Cancer Society jong ka Meghalaya ryngkat bad ka Civil Hospital Mawkyrwat bad ka ophis jong ka District Medical & Health Officer, South West Khasi Hills District.
Shuh shuh, u Medical Superintendent ka Civil Hospital Mawkyrwat u la pyntip ba ïa ki tiar eksamin yn pyndonkam katkum kajuk mynta.
Namarkata, u khot u wer ïa ki paid nongshong shnong jong ka South West Khasi Hills District ba kin wan sha kane ka prokram khnang ba kin ïoh ki lad jingïarap.
