Jowai, Naitung 30: Ka Rymbai Pohskur SC bad ka Suchen Rim SCSC ki la jop ïa la ki jong ki jingïalehkai ka lympung Third Division 2026 League Stage bala pynïaid daka East Jaiñtia Hills District Football Association (EJHDFA) kiba la long hynne ka sngi Palei ha madan Artificial Ground Diengshynrum, Khliehriat.
Ka Rymbai Pohskur SC kala lah ban pynliem noh da 3-1 ïa ka Sonapyrdi FSC ha ka jingïakhun ba nyngkong. Ka Rymbai Pohskur SC ka la pynkhihjar lyngba u Sanhame Bareh (34 & 75) bad u Shanki Dkhar (79’). Katba ka shikol jong ka Sonapyrdi FSC la thep da u Affarming Tlang (45’ P)
Na ka liang jong ka Suchen Rim SCSC kala jop da tang 1-0 ïa ka Mookhep SCSC, bad ïa katei ka shikol la thep da u Wanmiki Suchen (35’).
Ka jingïakhun kaba lai hapdeng ka Shiborlang SC Pynthorsale bad ka Umlong SSCC ka la kut ha ka jingïakhaid khlem da don ba lah ban pynkhihjar.
Haba phai sha ki resol jong ki jingïakhun ba la long ha ka sngi Balang (29 tarik u Naitung, 2026), ka Tuber Shohshrieh SCSC kala jop da 3-2 kol ïa ka SWC Deinsatlang; Ïa ki kol na ka Tuber Shohshrieh la thep da u Franklin Muruh (21’) bad u Shanbok Muruh (45 & 77’), katba ki ar kol jong ka SWC Deinsatlang la thep da u Pynshe Da o Phniaw (58’) bad u Shijur Swer (59’).
Ka Tongseng SYSC kala jop da 2-0 kol ïaka Tpepswer SSWO bad ki kol la thep da u Banker Suiam (76’) bad u Fining Lyngdoh (79’); bad khatduh ka Umtyra YWSC kala jop da 1-0 ïa ka Dkhiah East SC lyngba ka kol na u Atiar Lapasam (27’).
