Khliehriat, Risaw 31: Ka lympung ïalehkai phutbol jong ka kyrdan First Division bala pynïaid da ka East Jaiñtia Hills District Football Association ba la long ha ka sngi Palei (31 tarik Risaw) ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong, ka kynhun ïalehkai jong ka Shilliang Umshong SC kala lah ban pynliem noh ïa ka Tpepswer SSWO da 2-0 kol. Tang mar ïa sdang 3 minit ka jingïakhun ka Shilliang Umshong SC ka la ïoh ban lamkhmat shi kol lyngba u Perforce Ksih (3’), katba ka kol kaba ar la thep da u Hemanjoy Khongsai haka 53 minit jong ka kylla miet.
Katba ha ka jingïakhun kaba ar kaba la long hapdeng ka Iatyllilang SC Hingaria pyrshah ïa ka Lumshken SC ka la ïakhaid khlem don kiba ïoh ban thep kol.
La pyntip ka kynhun ïalehkai jong ka Shilliang Umshong bad ka Iatyllilang SC Hingaria ki lah pyntikna ban ïoh rung sha ka Quarter Final Round jong ka 1st Division EJHDFA.
