Duh tiket u MDC ka Rambrai, na Nongthymmai yn ïakhun u CEM ka KHADC

Shillong, Nohprah, 06: Ka National People’s Party (NPP) ha ka sngi Thohdieng ka la pynmih ïa ka thup kyrteng ba 18 ngut ki kyrtong ki ban aireng ha ka elekshon sha ka Ingdorbar Thawaiñ jong ka Khasi HIlls Autonomous District Council (KHADC) bad 20 ngut ki kyrtong na ka bynta ka Jaiñtia Hills Autonomous District Council (JHADC).
Ïa ka thup kyrteng la pyllait paidbah da u Working President jong ka NPP Meghalaya State Unit u Bah Hamletson Dohling ha ryngkat ka jingdon lang jong u Nongaiktien ka NPP u Bah Himalaya M. Shangpliang.
Ha ka thup jong ki kyrtong sha ka KHADC, 9 ngut ki dei ki sitting MDC kiba kynthup ïa u Chief Executive Member (CEM) u Bah Pynïaid Sing Syiem bad u Chairman jong ka Council u Bah Lamphrang Blah.
Kiwei pat ki MDC ki kynthup ïa ka Kong Grace Mary Kharpuri na Nongskhen, Kong Macdalyne S. Mawlong na Umsning, u Bah Rangkynsai Kharbuki na Umroi, Bah Alvin Sawkmie na Mawsynram, Bah Fantin J Lakadong na Laitumkhrah-Malki, Bah Lamphrang Blah na Mawphlang-Diengiei, Bah Batskhem Ryntathiang na Mairang-Nongkhlaw bad Bah Carnes Sohshang na Mawkyrwat.
U MLA barim jong ka Rambrai-Jyrngam u Bah Kimfa S Marbaniang un ïakhun na Rambrai-Jyrngam ha ka jaka jong u Sitting MDC ba mynta u Bah Bajop Pyngrope.
Arngut ki MDC barim kiba la ïoh tiket ki long u Bah Donevan Kharwanlang na Sohra bad ka Kong Rona Khymdeit na Nongpoh Constituency.
Ha JHADC, ka NPP ka la pynbna paidbah 20 ngut ki kyrtong ba kynthup ïa ki 12 ngut ki sitting MDC, kata u Chief Executive Member (CEM) Bah Thombor Shiwat bad u Chairman jong ka Council u Dr. Shankey Shangpung.
Kiwei pat ki MDC ki long u Bah Holando Lamin na War Central, Bah Het Pohthmi na War West, Bah Lakhon Dkhar na Amwi-Khliehtyrshi, Bah Ailad Bhoi na Mukhla-Ummulong, Bah Jesse Suïam na Moodymmai-Nongkhroh, Bah Eneningstar Teron na Mynso-Nongjngi, Bah Rudaioo Tang na Shilliang Myntang, Bah Aiborlang Shadap na Barato-Mukroh, Bah Phasmon Dkhar na Musniang-Rngad bad Bah Hambertus Nongtdu na Sutnga-Nongkhlieh.