Nongpoh, Naitung, 03: Uwei u rangbah ba la tip kyrteng kum u Bah Khring Lynshiang, 39 snem eiei ka rta na ka shnong Khyndewso, Ri Bhoi District, u la duh noh ïa la ka jingim hadien ka jingshah rong ha ka umsaw ha ka wah Umïam ha Ri Bhoi District.
Kane ka la jia ha ka Sngi u Blei ba ladep ha kaba la ong ba une u rangbah u la shah rong kynsan ha ka umsaw ha ka wah Umïam bad naduh katei ka sngi ym shym la lap shuh ïa ka met jong u, hynrei da ka jingbteng ki bahaïing ban wad la lap noh ha ka sngi Balang sha ki bynta ba sharum jong ka wah.
Katkum ka khubor ba la ioh lum, la ïaithuh hadien ba la lap ïa ka met jong une u rangbah, ki bahaïing ki la rah noh ïa ka met jong u sha la ïing ha Khyndewso bad halor kane na ka liang ki Pulit jong ka Ri Bhoi ruh ki la leit ban pynlong ïa ka jingtohkit halor kane ka jingjia.
Ïa ka met jong u rangbah, la aiti noh sha ki bahaïing da ki bor Pulit hadien ba bahaïing ki la kyrpad ban ym leh ïa ka postmortem examination namarba kim don kano kano ka jingsuba sniew bad ki pynpaw ba ka dei hi tang ka jingshah rah ha ka umsaw kumba la sakhi da ki briew kiba la iohi ïa kane ka jingjia.
ïa ka met jong u rangbah yn sa pyndep ha ka sngi Palei ha ka shnong Khyndewso, ong ka khubor ba la ïoh lum.
