Jowai, Ïaïong 06: Ka Mowkaiaw C.Y.C kala jop da 40 runs haka jingïalehkai ba hynriew jong District Cricket League 2025 jong ka WJHDCA, kaba la long ha ka sngi saitjaiñ madan Khliehtyrshi West Jaiñtia Hills District.
Ha kane jingïalehkai ka long hapdeng ka Mowkaiaw C.Y.C pyrshah ïa ka Young Lad’s C.C, ha kaba ïa ka jingkynting toss la jop daka ka Mowkaiaw C.Y.C kaba la kam trai shuwa ban tied nyngkong bad kala kamai 162 run bad liem baroh 10 wicket haka 28.2 over na ki 35 over ba la buh.
Ha ba poi ka pali jong ka Young Lad’s C.C ban beh ïa ka thong kala lah ban ïoh tang 122 run da kaba duh baroh 10 tylli ki wickets ha ka 28 overs.
U Kishan Lyngdoh na ka Mowkaiaw C.Y.C ula kylla long u namtam bad khur ïa ka khusnam man of the Match hadien ba la ïoh kamai 93 run bad khyrwit 2 wickets.
Ïa ka jingïalehkai ha ka sngi nyngkong 07/04/025 kan long hapdeng ka Moodymmai C.C pyrshah ïa ka Ummulong S.c. ha ka por 9 baje mynstep.
