Dei tang ki jingpharep suda ïa ngi, ong ki nongïalam ka KSU ba shah khot hajir ha ki pulit

Shillong, Naitung 15: Ka jingnang ïai bteng ki bor pulit ban khot hajir ïa ki dkhot jong ka Khasi Student Union (KSU) na ka daw ka jingkhynra work permit ha kiba bun ki bynta jong ka Ri Khasi, Jaiñtia ka la neh haduh kine ki sngi.
Ha ka 15 tarik ruh u Naitung ki pulit ka Sardar police station ki la khot hajir biang sa ïa u President jong KSU Malki circle bad uwei u khot ïa kiba ba la tip kyrteng u Iashan Mukhim president bad u Mevian Jyrwa u ba dei u dkhot jong ka KSU Malki circle.
Haba kren sha ki lad pathai khubor, u samla Ïashan Mukhim, u la ong ba ka jingkynnoh ki pulit ka long tang kum ka jingpharep bad ong ruh ba ka jingleh ki pulit ka long tang ban pyntieng ïa ka seng hynrei kane ka jingleh ki pulit kam shym la pynduh mynsiem ïa ki hynrei kan ai mynsiem ïa ki ban bteng ïa kane ka jingleit khynra.